بی سی سی آئی نے مستفیض الرحمان کو آئی پی ایل میں واپسی کی پیشکش کردی؟
اشاعت کی تاریخ: 9th, January 2026 GMT
سوشل میڈیا پر گردش کرنے والی ان افواہوں کو بنگلہ دیش کرکٹ بورڈ (بی سی بی) کے صدر امین الاسلام بلبُل نے مسترد کر دیا ہے جن میں دعویٰ کیا جا رہا تھا کہ بھارتی کرکٹ بورڈ (بی سی سی آئی) نے فاسٹ بولر مستفیض الرحمان کو دوبارہ انڈین پریمیئر لیگ (آئی پی ایل) میں کھیلنے کی پیشکش کی ہے۔
امین الاسلام بلبُل نے واضح طور پر کہا ہے کہ اس حوالے سے بی سی سی آئی سے نہ کوئی تحریری اور نہ ہی زبانی رابطہ ہوا ہے۔
مستفیض الرحمان کے آئی پی ایل سے اخراج پر تنازعبنگلہ دیش کے فاسٹ بولر مستفیض الرحمان کو گزشتہ ماہ ہونے والی نیلامی میں کولکتہ نائٹ رائیڈرز (کے کے آر) نے 9 کروڑ 20 لاکھ روپے میں خریدا تھا، تاہم بعد ازاں انہیں آئی پی ایل 2026 کے اسکواڈ سے نکال دیا گیا۔
یہ بھی پڑھیے آئی پی ایل سے نکالے گئے بنگلہ دیش کے فاسٹ بولر مستفیض الرحمان کا پی ایس ایل کھیلنے کا فیصلہ
اس فیصلے کے بعد بھارت اور بنگلہ دیش کے درمیان ایک غیر معمولی کرکٹ تنازع سامنے آیا، جس پر بنگلہ دیش کرکٹ بورڈ نے شدید ناراضی کا اظہار کیا۔
بی سی سی آئی اور بی سی بی کے تعلقات میں کشیدگیمستفیض الرحمان کی آئی پی ایل سے علیحدگی کے بعد بی سی سی آئی اور بی سی بی کے درمیان متعدد معاملات پر اختلافات شدت اختیار کر گئے ہیں۔
بنگلہ دیش نے احتجاجاً ملک میں آئی پی ایل میچز کی نشریات پر تاحکمِ ثانی پابندی عائد کر دی ہے، جبکہ آئندہ ٹی ٹوئنٹی ورلڈ کپ کے لیے بھارت کا دورہ کرنے سے بھی انکار کر دیا ہے۔
اطلاعات کے مطابق مستفیض کو نکالنے کا فیصلہ بی سی سی آئی کے اعلیٰ ترین حلقوں سے آیا، جبکہ کئی حکام کو اس فیصلے سے قبل اعتماد میں نہیں لیا گیا۔
بی سی بی صدر کا دوٹوک مؤقفبی سی بی صدر امین الاسلام بلبُل نے بنگلہ دیشی اخبار ’آجکر‘ سے گفتگو کرتے ہوئے کہا ’مستفیض کی آئی پی ایل میں واپسی کے حوالے سے میری بی سی سی آئی سے نہ کوئی تحریری بات ہوئی ہے اور نہ زبانی۔ میں نے اپنے بورڈ کے کسی رکن سے بھی ایسی کوئی بات نہیں کی۔ اس خبر میں کوئی سچائی نہیں۔‘
تمیم اقبال کا مذاکرات پر زوربنگلہ دیش کے سابق کپتان تمیم اقبال نے بی سی بی پر زور دیا ہے کہ آئندہ ماہ بھارت میں ہونے والے ٹی ٹوئنٹی ورلڈ کپ میں شرکت کے فیصلے میں عوامی جذبات کے بجائے ہوش مندانہ حکمتِ عملی اختیار کی جائے۔
تمیم اقبال نے کہا کہ ایسے فیصلوں کے اثرات آئندہ 10 برس تک محسوس کیے جا سکتے ہیں، اس لیے ہر قدم سوچ سمجھ کر اٹھایا جانا چاہیے۔
سیکیورٹی خدشات، میچز سری لنکا منتقل کرنے کی خواہشبنگلہ دیش نے 7 فروری سے شروع ہونے والے ٹی 20 ورلڈ کپ کے لیے بھارت کا دورہ کرنے پر تحفظات کا اظہار کیا ہے اور سیکیورٹی خدشات کی بنیاد پر مطالبہ کیا ہے کہ ان کے میچز سری لنکا منتقل کیے جائیں۔
یہ بھی پڑھیے آئی پی ایل سےمستفیض الرحمان کا اخراج،بنگلہ دیش کا ٹورنامنٹ نشریات نہ دکھانے پر غور
تمیم اقبال نے اس حوالے سے کہا ’صورتحال اس وقت نازک ہے، لیکن بہت سے مسائل بات چیت کے ذریعے حل ہو سکتے ہیں، اگر تمام فریق ایک میز پر بیٹھیں۔‘
سخت حکومتی مؤقف اور بڑھتا بھارت مخالف رجحانبنگلہ دیش کے مشیر برائے کھیل آصف نذرالاسلام نے مقام کی تبدیلی کے معاملے پر سخت مؤقف اختیار کرتے ہوئے کہا ہے کہ یہ معاملہ قومی وقار سے جڑا ہوا ہے۔
واضح رہے کہ بنگلہ دیش کے سرکاری حلقوں میں بھارت مخالف جذبات میں بھی واضح اضافہ دیکھا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش کرکٹ بورڈ بی سی سی آئی کرکٹ کھیل مستفیض الرحمان.
ذریعہ
ذریعہ: WE News
کلیدی لفظ: بنگلہ دیش کرکٹ بورڈ کرکٹ کھیل مستفیض الرحمان مستفیض الرحمان بنگلہ دیش کے تمیم اقبال آئی پی ایل کرکٹ بورڈ پی ایل سے
پڑھیں:
فیفا ورلڈکپ 2026 ، کونسی ٹیم فیورٹ؟، اوپٹا سپر کمپیوٹر نے حیران کن پیشگوئی کردی
دنیائے کھیل کا سب سے بڑا اور مقبول ترین میلہ ’فیفا فٹبال ورلڈکپ 2026‘ اپنی تمام تر رعنائیوں کے ساتھ 12 جون سے شروع ہونے جا رہا ہے۔
فٹبال کی تاریخ کا یہ اب تک کا سب سے انوکھا اور تاریخی ٹورنامنٹ ہوگا جس کی مشترکہ میزبانی امریکا، میکسیکو اور کینیڈا کر رہے ہیں۔
اس بار ورلڈکپ محض ایک کھیل نہیں بلکہ اعصاب کی جنگ ثابت ہونے والا ہے، کیونکہ تاریخ میں پہلی بار 32 کے بجائے 48 ٹیمیں عالمی اعزاز کے لیے ایک دوسرے سے ٹکرائیں گی۔
یہ بھی پڑھیں:104 میچز، 48 ٹیمیں اور اربوں شائقین، فیفا ورلڈ کپ 2026 میں کیا کچھ نیا ہونے جارہا ہے؟
جہاں شائقین کا جوش و خروش عروج پر ہے، وہی کھیلوں کے معروف ڈیٹا ماڈل ’اوپٹا سپر کمپیوٹر‘ نے آرٹیفیشل انٹیلی جنس کی مدد سے 10 ہزار سیمولیشنز تیار کر کے فاتح ٹیم کے حوالے سے ایک سنسنی خیز پیشگوئی کر دی ہے۔
ٹورنامنٹ کا نیا فارمیٹ اور راؤنڈ آف 32 کا تاریخی آغازماضی کے برعکس اس بار ٹورنامنٹ کے ڈھانچے میں بڑی تبدیلیاں کی گئی ہیں۔ ٹورنامنٹ میں شریک 48 ٹیموں کو 12 گروپس میں تقسیم کیا گیا ہے اور ہر گروپ 4 ٹیموں پر مشتمل ہے۔
اس نئے فارمیٹ کے تحت ایونٹ کے دوران مجموعی طور پر ریکارڈ 104 میچز کھیلے جائیں گے۔ ہر گروپ سے پہلے اور دوسرے نمبر پر آنے والی ٹیمیں ناک آؤٹ مرحلے میں کوالیفائی کریں گی، جس سے ایونٹ کی تاریخ میں پہلی بار ’راؤنڈ آف 32′ کا سنسنی خیز آغاز ہوگا۔
زیادہ ٹیموں کی شمولیت کے باعث جہاں مقابلوں کا جوش بڑھے گا، وہیں کسی بھی ٹیم کے لیے فائنل تک کا سفر طویل اور تھکا دینے والا ہوگا۔
اوپٹا سپر کمپیوٹر کیا ہے اور یہ کیسے کام کرتا ہے؟شائقین فٹبال کے لیے یہ جاننا ضروری ہے کہ ’اوپٹا سپر کمپیوٹر‘ کوئی روایتی فزیکل کمپیوٹر نہیں ہے۔ یہ دراصل آرٹیفیشل انٹیلی جنس (اے آئی) ٹیکنالوجی پر مبنی ایک انتہائی ایڈوانس ماڈل ہے جو فٹبالرز اور ٹیموں کے موجودہ فارم، ماضی کے ریکارڈز اور ہزاروں دیگر ڈیٹا پوائنٹس کا تجزیہ کرتا ہے۔
یہ ماڈل ڈیٹا کی بنیاد پر پورے ٹورنامنٹ کو 10 ہزار سے زیادہ بار ڈیجیٹل طور پر سیمولیٹ کرتا ہے اور پھر پیشگوئی کرتا ہے کہ کس ٹیم کے ٹورنامنٹ جیتنے، فائنل میں پہنچنے یا کسی خاص میچ میں کامیابی حاصل کرنے کے کتنے فیصد امکانات موجود ہیں۔
’اسپین‘ فیورٹ، مگر ایک بڑا دھچکا بھیاوپٹا سپر کمپیوٹر کی 10 ہزار ڈیجیٹل سیمولیشنز کے بعد جو نتائج سامنے آئے ہیں، انہوں نے فٹبال کی دنیا کو حیران کر دیا ہے۔ ماڈل نے تمام تر غیریقینی صورتحال کے باوجود ’اسپین‘ کو ٹرافی جیتنے کے لیے واضح طور پر فیورٹ قرار دیا ہے۔
مزید پڑھیں: اسلام آباد میں فیفا ورلڈ کپ 2026 کی تقریبات کا آغاز، سیالکوٹ کی فٹبال نے میلہ لوٹ لیا
سپر کمپیوٹر کے مطابق اسپین کے ورلڈکپ جیتنے کا امکان 16.1 فیصد ہے۔ تاہم دلچسپ اور پریشان کن بات یہ ہے کہ جہاں اسپین کو فاتح قرار دیا گیا ہے، وہیں ڈیٹا یہ بھی بتاتا ہے کہ اسپین وہ واحد بڑی ٹیم ہے جس کے کوارٹر فائنل تک نہ پہنچنے کا امکان 52.1 فیصد ہے۔ یعنی اگر اسپین ابتدائی ناک آؤٹ مرحلے عبور کرنے میں کامیاب رہا، تو اس کے سیمی فائنل میں پہنچنے کا امکان 39 فیصد جبکہ فائنل میں پہنچنے کا امکان 25.6 فیصد ہوگا۔
دیگر بڑی ٹیموں کے جیتنے کے امکاناتسپر کمپیوٹر کے مطابق ٹرافی کی دوڑ میں اسپین تنہا نہیں ہے بلکہ دیگر روایتی حریف بھی اس کے تعاقب میں ہیں۔ سپر کمپیوٹر نے 4 بڑی ٹیموں کے جیتنے کے امکانات کو 10 فیصد سے زیادہ قرار دیا ہے۔ اس فہرست میں فرانس دوسرے نمبر پر ہے جس کے ورلڈکپ جیتنے کا امکان 13 فیصد ظاہر کیا گیا ہے۔ اسی طرح انگلینڈ 11.2 فیصد امکان کے ساتھ تیسرے اور لیونل میسی کی ارجنٹینا (دفاعی چیمپیئن) 10.4 فیصد امکان کے ساتھ چوتھے نمبر پر ممکنہ فاتح قرار دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین امریکا اوپٹا سپر کمپیوٹر برطانیہ ٹیم فیورٹ حیران کن پیش گوئی فیفا ورلڈ کپ لندن ورلڈ کپ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ