کراچی میں تاریخ کا سب سے بڑا جلسہ کریں گے: سہیل آفریدی
اشاعت کی تاریخ: 9th, January 2026 GMT
پشاور: وزیراعلیٰ خیبرپختونخوا سہیل آفریدی نے کہا ہے کہ کراچی میں تاریخ کا سب سے بڑا جلسہ کریں گے۔
کراچی روانگی سے قبل جاری کیے گئے اپنے ویڈیو اور تحریری پیغام میں وزیراعلیٰ خیبرپختونخوا نے بتایا کہ وہ تین روزہ دورے پر سندھ جا رہے ہیں، جہاں اتوار کے روز مزارِ قائد کے احاطے میں ایک بھرپور عوامی جلسہ منعقد کیا جائے گا،
سندھ کے دورے کے حوالے سے گفتگو کرتے ہوئے سہیل آفریدی نے کہا کہ بانی پی ٹی آئی کا پیغام صوبے کے ہر شہر، ہر گاؤں اور ہر طبقے تک پہنچایا جائے گا، سندھ کی عوام طویل عرصے سے تبدیلی کی منتظر ہے اور اب وقت آ گیا ہے کہ وہ اس جدوجہد میں عملی طور پر اپنا کردار ادا کریں۔
وزیراعلیٰ خیبرپختونخوا نے سندھ کے عوام سے اپیل کی کہ وہ اسٹریٹ موومنٹ کی تیاریوں میں بھرپور انداز میں شریک ہوں اور سیاسی جدوجہد کا حصہ بنیں، اتوار کو ساڑھے چار بجے مزارِ قائد پر ہونے والا جلسہ کراچی کے عوام کی طاقت اور سیاسی شعور کا مظہر ہوگا۔
انہوں نے کہا کہ یہ جلسہ شہر کی سیاسی تاریخ کا سب سے بڑا اجتماع ثابت ہوگا، یہ اجتماع نہ صرف کراچی بلکہ ملک بھر کی سیاست میں ایک نئی سمت کا تعین کرے گا۔
دوسری جانب پاکستان تحریک انصاف کراچی کے صدر راجہ اظہر نے بتایا ہے کہ سندھ میں جلسے کے انعقاد سے متعلق اہم پیش رفت سامنے آئی ہے، پی ٹی آئی سندھ کے صدر حلیم عادل شیخ کا صوبائی وزیر ناصر شاہ سے رابطہ ہوا ہے، جس کے بعد آج باضابطہ طور پر جلسے کے اجازت نامے کے اجرا کا امکان ظاہر کیا جا رہا ہے۔
پارٹی ذرائع کا کہنا ہے کہ وزیراعلیٰ خیبرپختونخوا اپنے کراچی کے دورے کے دوران مختلف سیاسی و سماجی شخصیات سے ملاقاتیں بھی کریں گے، وہ سب سے پہلے انصاف ہاؤس جائیں گے، بعد ازاں کراچی پریس کلب میں ’میٹ دی پریس‘ سے خطاب کریں گے۔
ذرائع نے بتایا کہ اگلے روز حیدرآباد روانہ ہوں گے، دورے کا اختتام اتوار کو مزارِ قائد پر ہونے والے بڑے عوامی جلسے پر ہوگا، جس کے لیے پارٹی کی جانب سے بھرپور تیاریاں جاری ہیں۔
.
ذریعہ
ذریعہ: Al Qamar Online
کلیدی لفظ: پاکستان کھیل کریں گے
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار