پاکستان فٹبال کیلئے بڑا بریک تھرو
اشاعت کی تاریخ: 9th, January 2026 GMT
پاکستان فٹبال کیلئے بڑا بریک تھرو۔یوئیفا ایونٹ میں پاکستان کی پہلی بار انٹری،پاکستان پہلی بار یوئیفا فٹبال ڈیولپمنٹ ٹورنامنٹ کا حصہ بن گیا۔ صدر پاکستان فٹبال فیڈریشن محسن گیلانی کے مطابق اپریل میں پاکستان یوئیفا ڈیولپمنٹ ٹورنامنٹ میں ایکشن میں دکھائی دےگا،پاکستان انڈر 16 ٹیم یوئیفا ٹورنامنٹ کھیلے گی جس میں میزبان قازقستان، روس اور آذربائیجان اس کے مدمقابل ہونگے۔ صدر پاکستان فٹبال فیڈریشن نے یوئیفا ٹورنامنٹ میں شرکت پاکستان فٹبال کیلئے اہم سنگ میل قرار دیا اور کہا کہ اس سے نوجوان کھلاڑیوں کو عالمی معیار کا کھیل سیکھنے کا موقع ملے گا۔یوئیفا ڈویلپمنٹ ٹورنامنٹ 24سے 30اپریل تک قازقستان میں منعقد ہو گا۔
.
ذریعہ
ذریعہ: Nawaiwaqt
کلیدی لفظ: پاکستان فٹبال
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار