بی ایل اے پاکستان مخالف‘ ٹی ایل پی‘ فتنہ الخوارج کی بھی یہی پوزیشن: رانا ثناء
اشاعت کی تاریخ: 9th, January 2026 GMT
اسلام آباد (نوائے وقت رپورٹ) مشیر وزیراعظم برائے سیاسی امور رانا ثناء اﷲ نے نجی ٹی وی سے انٹرویو میں کہا ہے کہ گوادر کیلئے تقریباً 100 ارب روپے کی سکیمز ہیں۔ وزیراعظم نے ہمیشہ بلوچستان کو حق سے زیادہ دینے کی کوشش کی۔ بلوچستان میں گزشتہ روز 562 ارب روپے کے منصوبوں کا سنگ بنیاد رکھا گیا۔ بلوچستان میں ایک سال میں 7 دانش سکول بن جائیں گے۔ بلوچستان کی محرومیوں اور عوام کی مشکلات پر وزیراعظم کی نظر ہے۔ خیبر پی کے حکومت آپیرشن میں تعاون نہیں کر رہی۔ بلوچستان میں دہشتگردی کے پیچھے بھارت ہے۔ بھارت پاکستان کو عدم استحکام سے دوچار کرنے کیلئے کروڑوں خرچ کر رہا ہے۔ کالعدم بی ایل اے کا مؤقف پاکستان کیخلاف ہے۔ بی ایل اے آئین کے تابع بات کرے تو ہم معاملات طے کیلئے تیار ہیں۔ کالعدم ٹی ٹی پی اور فتنہ الخوارج کے ساتھ بھی یہی پوزیشن ہے۔ کالعدم بی ایل اے پاکستان کے وجود کیخلاف ہے تو کس بات کے مذاکرات کریں؟ خیبر پی کے حکومت عجیب بیانیہ بنا رہی ہے۔ آپریشن تو ہو رہا ہے۔
.
ذریعہ
ذریعہ: Nawaiwaqt
کلیدی لفظ: بی ایل اے
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا