چینی ڈونلڈ ٹرمپ انٹرنیٹ پر مقبول، امریکی صدر کی حیران کن نقل نے سب کو حیران کردیا
اشاعت کی تاریخ: 9th, January 2026 GMT
چینی شہری ریان چن نے امریکی صدر ڈونلڈ ٹرمپ کی نقل اتار کر سوشل میڈیا صارفین کی توجہ حاصل کر لی ہے۔
جنوب مغربی چین سے تعلق رکھنے والے 42 سالہ ریان چن کی ویڈیوز تیزی سے وائرل ہو رہی ہیں جن میں وہ ڈونلڈ ٹرمپ کے انداز اور حرکات کو انتہائی مہارت کے ساتھ دہرا رہے ہیں۔ ایک وائرل ویڈیو میں ریان چن کو ٹرمپ کی طرح ڈانس کرتے ہوئے بھی دیکھا جا سکتا ہے۔
‼️???????? Make China Laugh Again:
‼️???????????????? Meet the ‘Chinese #Trump
???????? Hyhyde Chenrui, dubbed the "Chinese Trump," is taking the internet by storm with his hilarious parodies of the #USA President Donald Trump.
— Maimunka News (@MaimunkaNews) April 9, 2025
سوشل میڈیا صارفین نے ان کی مہارت کی بھرپور تعریف کی اور کچھ نے کہا کہ انہیں ڈونلڈ ٹرمپ سے ملنا چاہیے۔ ایک صارف نے مزاحیہ انداز میں کہا ’ہمیں جی ٹی اے 6 کے آنے سے پہلے امریکہ میں چینی ٹرمپ مل گیا۔‘
View this post on Instagram
A post shared by Chinese Trump (Ryan Chen瑞哥英语) (@trumpbyryan)
ایک اور صارف نے کہا کہ وہ ریان چن کے ساتھ ٹرمپ کے انداز میں ڈانس دیکھنا چاہتے ہیں جبکہ دیگر نے انہیں ’چین کا ٹرمپ‘ قرار دیا۔ ریان چن کی یہ منفرد ویڈیوز سوشل میڈیا پر جاری مقبولیت کے ساتھ صارفین کے لیے تفریح کا باعث بنی ہوئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چینی ڈونلڈ ٹرمپ چینی شہری ڈونلڈ ٹرمپ ڈونلڈ ٹرمپ کی نقل ویڈیو وائرل
ذریعہ
ذریعہ: WE News
کلیدی لفظ: چینی ڈونلڈ ٹرمپ چینی شہری ڈونلڈ ٹرمپ ڈونلڈ ٹرمپ کی نقل ویڈیو وائرل ڈونلڈ ٹرمپ ریان چن
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا