ایران میں حکومت مخالف مظاہرے شدت اختیار کر گئے، 47 ہلاک، 2500 سے زائد گرفتار
اشاعت کی تاریخ: 9th, January 2026 GMT
data-id="863a0a8" data-element_type="widget" data-widget_type="theme-post-content.default">
تہران: ایران میں جاری حکومت مخالف مظاہروں میں شدت آ گئی ہے ، احتجاج اب 100 سے زائد شہروں میں پھیل چکا ہے، تہران اور مشہد سمیت کئی بڑے شہروں میں رات گئے حکومت کے خلاف مارچ کیا گیا۔
عالمی میڈیا رپورٹس کےمطابق مظاہروں کے دوران اب تک 47 افراد ہلاک ہو چکے ہیں، جن میں کئی سکیورٹی اہلکار بھی شامل ہیں جبکہ تقریباً 2500 افراد کو گرفتار کیا جا چکا ہے۔
احتجاج کے دوران انٹرنیٹ سروس ایک بار پھر بند کر دی گئی ہے اور ترکی نے استنبول سے تہران جانے والی تمام پروازیں منسوخ کر دی ہیں، کرمانشاہ میں مظاہروں کے دوران شرپسندوں کی جانب سے فائرنگ کی ویڈیو بھی جاری کی گئی ہے، جس میں نقاب پوش افراد کو فائرنگ کرتے ہوئے دیکھا جا سکتا ہے۔
ایرانی سپریم لیڈر آیت علی خامنہ ای نے کہا کہ امریکا کے ہاتھ ایرانی عوام کے خون سے رنگے ہیں اور ایران کے کچھ فسادی عوامی املاک کو نقصان پہنچا کر سابق امریکی صدر ڈونلڈ ٹرمپ کو خوش کرنے کی کوشش کر رہے ہیں، ایران تخریب کاروں سے نمٹنے میں پیچھے نہیں ہٹے گا، احتجاج جائز ہے مگر احتجاج اور فساد میں فرق کو سمجھنا ضروری ہے، حکومت مظاہرین سے بات کرے گی، مگر تخریب کاروں سے بات کرنا فضول ہے۔
ایران نے اقوام متحدہ سے بھی مطالبہ کیا ہے کہ ریاستی خودمختاری کا تحفظ کیا جائے اور بیرونی مداخلت کو روکا جائے۔ ایرانی وزارت خارجہ کے مطابق داخلی معاملات پر امریکی بیانات مداخلت اور دھوکہ دہی کے مترادف ہیں۔
ذریعہ
ذریعہ: Jasarat News
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا