وزیراعظم کی رمضان کیلیے سودمند پیکیج تیار کرنے کی ہدایات
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد ( مانیٹرنگ ڈیسک ) وزیراعظم شہباز شریف نے آنے والے رمضان کیلیے زیادہ مؤثر اور فائدہ مند پیکیج تیار کرنے کا حکم دے دیا۔تفصیلات کے مطابق وزیراعظم شہباز شریف کی زیرصدارت رمضان پیکیج اور پچھلے سال کے پیکیج کی تھرڈ پارٹی ویلیڈیشن پر اجلاس ہوا۔بریفنگ میں بتایا گیا کہ پچھلے سال کے رمضان پیکیج میں کوئی مالی بدعنوانی یا انتظامی کمی نہیں پائی گئی۔وزیراعظم نے پچھلے سال رمضان پیکیج کی شفافیت پر مستند آڈٹ ادارے کی رپورٹ کو سراہتے ہوئے کہا وفاقی حکومت نے غریب عوام کے لیے ایک شفاف نظام بنایا ہے، یوٹیلٹی اسٹورز کے ذریعے جاری دہائیوں پر محیط بدعنوان نظام کو ختم کر کے مستحق افراد کو فائدہ پہنچایا گیا۔اجلاس میں ہدایت کی گئی کہ رمضان پیکیج کی امدادی رقوم ڈیجیٹل والٹس کے ذریعے دی جائیں تاکہ عوام کی عزت و تکریم محفوظ رہے اور کیش لیس معیشت کو فروغ ملے اس کے لیے اسٹیٹ بینک بھی شامل ہوگا اور ڈیجیٹل ڈیش بورڈ کے ذریعے مؤثر نگرانی ممکن ہوگی۔وزیراعظم نے کہا کہ آنے والے رمضان کے لیے زیادہ مؤثر اور فائدہ مند پیکیج تیار کیا جائے اور تمام وزارتیں اور ادارے اپنی سفارشات پیش کریں۔شہباز شریف نے رمضان پیکیج میں غریب عوام کی شمولیت کا دائرہ ممکن حد تک وسیع کرنیکی ہدایت کرتے ہوئے کہا کہ امدادی رقوم کی شفاف ادائیگی اورانتظامی نظم و ضبط یقینی بنایا جائے اور مؤثر نگرانی کیلیے ڈیجیٹل ڈیش بورڈ اور منظم مانیٹرنگ سسٹم بنایا جائے،اجلاس میں بتایا گیا کہ عالمی شہرت یافتہ آڈٹ فرم نے رمضان پیکیج شفاف اور مؤثر قرار دیا، تھرڈ پارٹی ویلیڈیشن میں کسی مالی بدعنوانی کی نشاندہی نہیں ہوئی، اس کے ساتھ بینظیر انکم سپورٹ پروگرام میں سوشل پروٹیکشن والٹ بھی متعارف کروایا جا رہا ہے، اور مارچ 2026ء سے تمام امدادی رقوم ڈیجیٹل طریقے سے فراہم کی جائیں گی۔
ذریعہ
ذریعہ: Jasarat News
کلیدی لفظ: رمضان پیکیج
پڑھیں:
کفایت شعاری اقدامات، حکومت نے مارکیٹوں اور ریسٹورنٹس کے اوقات کار میں توسیع کردی گئی
نائب وزیراعظم و وزیر خارجہ اسحاق ڈار کی زیر صدارت کفایت شعاری اقدامات پر اہم اجلاس ہوا جس میں مارکیٹوں اور ریسٹورنٹس کے اوقات کار میں توسیع کردی گئی۔
ایکسپریس نیوز کے مطابق نائب وزیراعظم و وزیر خارجہ سینیٹر محمد اسحاق ڈار کی زیر صدارت وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کا اجلاس منعقد ہوا۔
اجلاس میں ملک بھر میں توانائی کے مؤثر استعمال اور کاروباری سرگرمیوں کے اوقات کارجبکہ جاری کفایت شعاری اقدامات کا تفصیلی جائزہ لیا گیا۔
موسمِ گرما میں دن کے دورانیے میں اضافے اور بلند درجہ حرارت کے پیش نظر کمیٹی نے دکانوں، بازاروں، شاپنگ مالز اور جنرل ریٹیل کاروبار کے اوقات کار رات 9 بجے تک بڑھانے کی منظوری دے دی۔
مزید پڑھیںلاہور میں بھی اسمارٹ لاک ڈاؤن پھر سے نافذ، پرانے اوقات کار بحال
اجلاس کے فیصلوں کے مطابق ریسٹورنٹس، کیفے اور دیگر کھانے پینے کے مراکز رات 11 بجے تک کھلے رہ سکیں گے، تاہم ٹیک اوے اور ہوم ڈلیوری سروسز ان اوقات کی پابندی سے مستثنیٰ ہوں گی۔
شادی ہالز اور تقریبات کے مقامات کے اوقات کار رات 10 بجے تک برقرار رکھنے کا فیصلہ کیا گیا جبکہ فارمیسیز، ہسپتال، پٹرول پمپس، آئی ٹی اور ٹیلی کام سے متعلق خدمات سمیت ضروری سروسز کو ان پابندیوں سے استثنیٰ حاصل ہوگا۔
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ مکمل تعاون کرتے ہوئے ان فیصلوں پر مؤثر عملدرآمد یقینی بنائیں۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات اور آئی ٹی و ٹیلی کام، وزیر اعظم کے معاونینِ خصوصی برائے خزانہ اور نائب وزیراعظم، وفاقی سیکریٹریز تجارت، کابینہ، پیٹرولیم اور آئی ٹی و ٹیلی کمیونی کیشنز کے علاوہ صوبائی حکومتوں کے سینئر حکام نے بھی شرکت کی۔کمیٹی نے ایجنڈے میں شامل دیگر امور اور کیسز کی بھی منظوری دی۔
وزارت آئی ٹی نے 1.67 ارب روپے سے زاید کے فنڈز طلب کرلیے