آلو کے کاشتکار بدترین معاشی بدحالی کاشکارہ یں ،میاں رشید منہالہ
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور (نمائندہ جسارت) کسان بورڈ پاکستان سینٹرل پنجاب کے صدر میاں رشید منہالہ نے کہا ہے کہ ملک بھر کے کسان خصوصاً آلو کے کاشتکار اس وقت بدترین معاشی بدحالی کا شکار ہیں ۔آلو کی فصل کی پیداوار شاندار ہوئی لیکن مارکیٹ میں انتہائی کم قیمتیں ملنے کے باعث کسانوں کو شدید نقصان اٹھانا پڑ رہا ہے۔ آلو کی لاگت میں مسلسل اضافے کے باوجود کسان کو اس کی محنت کا جائز معاوضہ نہیں دیا جا رہا۔ آلو کی فصل پر آنے والی پیداواری لاگت میں غیر معمولی اضافہ ہو چکا ہے، جبکہ منڈیوں میں آلو اونے پونے داموں فروخت کرنے پر مجبور کیا جا رہا ہے۔ افغانستان کا بارڈر بند ہونے کی وجہ سے آلوروس ایکسورٹ ہورہاہے۔ لیکن این ایل سی کا کرایہ نو ہزار ڈالر وصول کیا جارہاہے ۔جس کی وجہ سے فائدہ ہونے کی بجائے الٹا نقصان ہورہاہے ۔اس کرایہ کو تین ہزار ڈالر کیا جائے۔ موجودہ صورتحال نے ہزاروں کسانوں کو قرضوں کے بوجھ تلے دبا دیا ہے۔ان خیالات کا اظہار انہوں نے گزشتہ روزکسان بورڈ ضلع لاہور شرقی کے اجلاس کے موقع پر میڈیا کے نمائندوں سے گفتگو کرتے ہوئے کیا۔ اجلاس میں چودھری نور الٰہی تتلہ ایڈووکیٹ نائب صدر کسان بورڈ پاکستان، میاں رشید احمد منہالہ صدر کسان بورڈ وسطی پنجاب، چودھری فیروز الدین احمد انیس گجر صدر پبلک ایڈ کمیٹی کسان بورڈ پاکستان، چوہدری عمرفاروق سندھو صدر کسان بورڈ لاہور ڈویژن، سردار اشفاق احمد ڈوگر جنرل سیکرٹری کسان بورڈ وسطی پنجاب اور دیگر ذمہ داران نے شرکت کی۔اجلاس میں ضلع لاہور کی تنظیمی صورتحال کا تفصیلی جائزہ لیا گیا اور اس بات کا فیصلہ کیا گیا کہ کسان بورڈ ضلع لاہور شرقی میں تنظیمِ نو کی جائے گی۔ اس مقصد کے لیے 17 جنوری کو گاؤں منہالہ میں تقریب حلف برداری منعقد کی جائے گی، جس کے مہمان خصوصی صدر کسان بورڈ سردار ظفر حسین ہوں گے۔ میاں رشید منہالہ کا کہنا تھا کہ گندم کی فصل کے لیے بھی حکومت کی جانب سے تاحال کوئی واضح سرکاری ریٹ مقرر نہیں کیا گیا، جس کے باعث کسانوں میں شدید بے چینی پائی جاتی ہے۔ دوسری جانب زرعی لوازمات جیسے کھاد، بجلی، پانی اور زرعی ادویات کی قیمتوں میں کئی گنا اضافہ کر دیا گیا ہے، جس سے کاشتکاری اب منافع کے بجائے خسارے کا ذریعہ بنتی جا رہی ہے۔کسان رہنماؤں نے حکومت سے مطالبہ کیا ہے کہ:۔آلو کی فصل کا مناسب سرکاری ریٹ مقرر کیا جائے۔گندم کا امدادی نرخ فوری طور پر اعلان کر کے خریداری یقینی بنائی جائے۔کھاد، بجلی، پانی اور زرعی ادویات پر سبسڈی دی جائے۔
ذریعہ
ذریعہ: Jasarat News
کلیدی لفظ: میاں رشید ا لو کی کی فصل
پڑھیں:
چاہتا ہوں کرنسی سے قائداعظم کی تصویر ہٹا دی جائے، شہزاد نواز نے ایسا کیوں کہا؟
پاکستانی اداکار شہزاد نواز نے اپنی خواہش کا اظہار کرتے ہوئے کہا کہ وہ چاہتے ہیں پاکستانی کرنسی سے بانی پاکستان قائد اعظم محمد علی جناح کی تصویر ہٹا دی جائے۔حال ہی میں شہزاد نواز سے اداکار علی سفینہ نے انٹرویو لیا جس میں ملکی حالات سمیت دیگر اہم موضوعات پر گفتگو کی گئی۔علی سفینہ نے کہا 'جب بھی کوئی حکومت بدلتی ہے تو آپ کو اپنے اردگرد تبدیلیاں نظر آتی ہیں، مثلاً ایک ثقافتی پالیسی کہتی ہے کہ قائداعظم اور علامہ اقبال ہیرو ہیں، ہم ان کے دور حکومت میں ان سب کو دیکھتے ہیں، ان کی تصاویر لگائی جاتی ہیں کہ پھر دوسری آنے والی حکومت ان کی تصویریں ہٹا کر اپنے قائدین کی تصویریں لگادیتے ہیں'۔شہزاد نواز نے سوال کیا کیا ایسا ہوا ہے؟ یہ غالباً کراچی ائیرپورٹ پر ہوا تھا، جواب میں علی نے کہا بالکل۔علی سفینہ سے گفتگو کے دوران شہزاد نواز کا کہنا تھا 'اگر یہ میرے اختیار میں ہوتا تو میں تمام کرنسی نوٹوں سے قائداعظم کی تصویر ہٹا دوں گا کیونکہ لوگوں میں کوئی شرم نہیں ہے، رشوت لے رہے ہیں اور دے رہے ہیں، فراڈ میں ملوث ہیں جب کہ کرنسی نوٹوں پر ان کی تصویر ہے اور وہ آپ کو یہ سب کرپٹ کام کرتے دیکھ رہے ہیں'۔انہوں نے کہا 'اگر اسی طرح نوٹوں کی سرعام بے عزتی ہوتی رہی تو اس تصویر کا کیا فائدہ، ضیاالحق کے دور میں بڑی اچھی تبدیلی آئی کے نوٹوں پر عبارت درج کی گئی رزقِ حلال عین عبادت ہے'۔شہزاد نواز نے کہا 'بعدازاں مشرف کے دور میں اس عبارت کو چھوٹا کردیا گیا، میرے خیال میں اب اسے نوٹوں پر سے نکال دینا چاہیے'۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ