پاک افغان بارڈر پر تجارتی سامان پھنسنا اربوں روپے کا نقصان ہے،انجینئرداروخان
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر)پاک افغان تجارتی گزرگاہیں کھولنے کے حوالے سے غور شروع کردیا گیا۔پاکستان اورافغانستان کے درمیان تجارت کیلئے طورخم میں ہونے والے مشترکہ کمیٹی کے پہلے اجلاس میں تبادلہ خیال پرایف پی سی سی آئی کے سابق صدر اورپاکستان بزنس فورم بلوچستان چیپٹر کے صدر انجینئرداروخان اچکزئی نیخیرمقدم کرتے ہوئے کہا کہ جوائنٹ کمیٹی کے اجلاس سے دونوں ممالک کی بزنس کمیونٹی بہت پرامید ہے اورہم امید رکھتے ہیں کہ پاکستان اور افغانستان کی سیاسی قیادت دونوں ممالک کی بزنس کمیونٹی کے مطالبات کو مان کر پاک افغان تجارت کو رواں رکھنے میں مدد کریں گے۔انجینئرداروخان اچکزئی نے کہا کہ اس وقت پاک افغان بارڈر پر تجارتی سامان پھنسا ہوا ہے جس کی وجہ سے اربوں روپے کا نقصان ہورہا ہے،مشترکہ اجلاس میں ایسے فیصلے کئے جائیں کہ موجودہ پھنسا ہوا سامان بھی نکل جائے اورآئندہ ایسا مسئلہ دوبارہ درپیش نہ ہو جس سے مال بارڈر پر روک دیا جائے کیونکہ اس سے دونوں جانب کے تاجروں کا اربوں روپے کا نقصان ہوتا ہے۔انہوں نے توقع ظاہر کی کہ جوائنٹ کمیٹی دوطرفہ تجارت کے فروغ میں کلیدی اور پاک افغغان تعلقات میں بہتری کیلئے پْل کاکردار ادا کرے گی۔
ذریعہ
ذریعہ: Jasarat News
کلیدی لفظ: پاک افغان
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ