ٹرمپ نوبیل انعام کے لیے پھر مچل گئے، پاک بھارت جنگ بندی کا تذکرہ دوبارہ چھیڑ دیا
اشاعت کی تاریخ: 10th, January 2026 GMT
امریکی صدر ڈونلڈ ٹرمپ نے وائٹ ہاؤس میں تیل و گیس انڈسٹری کے عہدیداروں سے ملاقات کے دوران دوبارہ زور دے کر کہا کہ وہ نوبل امن انعام کے حقدار ہیں، اور اس ضمن میں انہوں نے مئی 2025 میں پاکستان اور بھارت کے درمیان پیدا ہونے والے کشیدہ حالات کو ختم کرنے میں اپنی کردار کا ذکر کیا۔
یہ بھی پڑھیں:امریکا نے صدر ٹرمپ کے ناقد نوبیل انعام یافتہ نائجیرین ادیب کا ویزا منسوخ کردیا
صدر ٹرمپ نے دعویٰ کیا کہ ان کی مداخلت نے کشیدگی کو تیز رفتاری سے ختم کیا اور جوہری خطرے کے بغیر دونوں ممالک میں جنگ کو روکا۔
ٹرمپ نے کہا کہ دنیا میں وہ واحد شخصیت ہیں جس نے 8 بڑے تنازعات کو ختم کیا اور ان میں سے کچھ تنازعات دہائیوں پر محیط تھے۔ انہوں نے بھارت اور پاکستان کے درمیان مئی 2025 میں ہونے والے عسکری بحران پر بھی روشنی ڈالی، جب پاکستان پر بلا ثبوت حملے کا الزام عائد کیا گیا اور دونوں ممالک کے درمیان فوجی جھڑپیں ہوئیں، جس کے نتیجے میں فضائی جہاز بھی مار گرائے گئے۔
انہوں نے مزید کہا کہ انہوں نے پاکستان کے وزیر اعظم شہباز شریف سے ستمبر میں ملاقات کی اور وزیر اعظم نے کھل کر اعتراف کیا کہ ٹرمپ کی کوششوں سے کم از کم ایک کروڑ افراد کی جانیں بچائی گئیں۔
یہ بھی پڑھیں:امریکی صدر ڈونلڈ ٹرمپ امن نوبیل انعام 2025 سے محروم: ’اب دنیا میں امن کی کوششوں کا کیا ہوگا؟‘
ٹرمپ نے اس موقع پر پاک فوج کے سربراہ جنرل فیلڈ مارشل عاصم منیر کی بھی تعریف کی اور انہیں ایک ’بہت محترم جنرل‘ اور ’عظیم سپاہی‘ قرار دیا۔
صدر ٹرمپ نے سابق صدر اوباما کی بھی تنقید کی اور کہا کہ اوباما نوبل انعام حاصل کرنے کے قابل نہیں تھے کیونکہ انہوں نے کسی بھی جنگ کو ختم نہیں کیا، جبکہ انہوں نے اپنے اقدامات سے عالمی امن کو یقینی بنانے کا دعویٰ کیا۔
یہ ملاقات اور ٹرمپ کے بیانات اس وقت سامنے آئے ہیں جب عالمی سطح پر پاکستان-بھارت کشیدگی کے مسائل پھر سے میڈیا کی توجہ کا مرکز بنے ہوئے ہیں۔ ٹرمپ کی یہ کوشش ہے کہ عالمی سطح پر امن کے قیام میں ان کے کردار کو اجاگر کر کے نوبل امن انعام کے لیے موزوں قرار دیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بھارت جنگ صدر ٹرمپ عاصم منیر نوبیل انعام.
ذریعہ
ذریعہ: WE News
کلیدی لفظ: پاک بھارت جنگ نوبیل انعام نوبیل انعام انہوں نے کہا کہ
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا