پاکستان بحریہ کا زمین سے فضا میں ہدف بنانے والے میزائل کا کامیاب تجربہ
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان نیوی نے شمالی بحیرۂ عرب میں ایک بڑی اور جامع بحری مشق کے ذریعے اپنی آپریشنل تیاری، جدید جنگی حکمتِ عملی اور ہمہ جہت دفاعی صلاحیتوں کا بھرپور عملی مظاہرہ کیا ہے۔
پاک فوج کے شعبہ تعلقات عامہ (آئی ایس پی آر) کے مطابق یہ مشق بدلتی ہوئی بحری جنگ کے تقاضوں کو مدنظر رکھتے ہوئے منعقد کی گئی، جس کا مقصد موجودہ اور مستقبل کے سیکورٹی چیلنجز سے نمٹنے کے لیے نیوی کی تیاریوں کا عملی جائزہ لینا تھا۔
مشق میں روایتی بحری پلیٹ فارمز کے ساتھ ساتھ جدید بغیر پائلٹ نظاموں کی صلاحیتوں کو بھی کامیابی سے آزمایا گیا، جو جدید بحری جنگ میں فیصلہ کن کردار ادا کر رہے ہیں۔
آئی ایس پی آر کے مطابق مشق کے دوران پاکستان نیوی نے اپنے جدید فضائی دفاعی نظام کی مؤثر صلاحیتوں کا عملی مظاہرہ کرتے ہوئے عمودی لانچنگ سسٹم کے ذریعے ایل وائی۔80 (این) زمین سے فضا میں مار کرنے والے میزائل کا کامیاب لائیو فائر کیا۔ توسیع شدہ فاصلے پر فائر کیا گیا یہ میزائل مقررہ فضائی ہدف کو کامیابی سے نشانہ بنا کر مکمل طور پر تباہ کرنے میں کامیاب رہا۔
اس کامیاب فائرنگ نے پاکستان نیوی کے طویل فاصلے تک مؤثر فضائی دفاعی نظام کی کارکردگی اور قابلِ اعتماد صلاحیتوں کی تصدیق کر دی، جو کسی بھی ممکنہ فضائی خطرے سے نمٹنے کے لیے نہایت اہم تصور کی جاتی ہیں۔
مشق کے ایک اور اہم مرحلے میں جدید لوئٹرنگ میونیشن کے ذریعے سطحِ آب پر موجود اہداف کو کامیابی سے نشانہ بنایا گیا۔ ان درست اور مؤثر حملوں نے پاکستان نیوی کی پریسیژن اسٹرائیک صلاحیتوں کو نمایاں کیا، جو جدید بحری جنگ میں تیزی سے اہمیت اختیار کر رہی ہیں۔ لوئٹرنگ میونیشن نے نہ صرف اعلیٰ درستگی کا مظاہرہ کیا بلکہ یہ بھی ثابت کیا کہ پاکستان نیوی جدید ٹیکنالوجی کو مؤثر انداز میں بروئے کار لا کر دشمن کے ممکنہ خطرات کو کم سے کم وقت میں غیر مؤثر بنانے کی مکمل صلاحیت رکھتی ہے۔
ترجمان پاک فوج کے مطابق مشق کے دوران بغیر پائلٹ سطحی بحری جہاز، یعنی ان مینڈ سرفیس ویسل (USV) کے کھلے سمندر میں کامیاب آزمائشی تجربات بھی کیے گئے۔ ان تجربات کو خودکار بحری ٹیکنالوجی کے میدان میں ایک اہم پیش رفت قرار دیا جا رہا ہے۔
آزمائش کے دوران یو ایس وی نے تیز رفتار کارکردگی، غیر معمولی پھرتی، درست نیویگیشن اور سخت موسمی حالات میں مؤثر صلاحیتوں کا کامیاب مظاہرہ کیا۔ دفاعی ماہرین کے مطابق اس پلیٹ فارم کو کم خطرے اور زیادہ اثر رکھنے والا اسٹیلتھ ٹیکٹیکل انٹرسیپٹر تصور کیا جا رہا ہے، جو مستقبل کی بحری جنگ میں اہم کردار ادا کر سکتا ہے۔
مشق کا مشاہدہ کمانڈر پاکستان فلیٹ نے کیا، جہاں پاکستان نیوی کی جانب سے جدید نظاموں کے مؤثر اور مربوط استعمال کی بھرپور صلاحیت کو اجاگر کیا گیا۔ اس موقع پر چیف آف دی نیول اسٹاف ایڈمرل نوید اشرف، نشانِ امتیاز (ملٹری) نے افسران اور جوانوں کی اعلیٰ پیشہ ورانہ مہارت، عملی قابلیت اور غیر متزلزل عزم کو سراہا۔
انہوں نے اس عزم کا اعادہ کیا کہ پاکستان نیوی ہر صورت میں ملک کے بحری دفاع اور قومی سمندری مفادات کے تحفظ کو یقینی بناتی رہے گی۔ آئی ایس پی آر کے مطابق یہ مشق پاکستان نیوی کی مسلسل تیاری، جدیدیت اور قومی سلامتی کے لیے غیر متزلزل وابستگی کی واضح عکاس ہے۔
.
ذریعہ
ذریعہ: Jasarat News
کلیدی لفظ: پاکستان نیوی کے مطابق نیوی کی مشق کے
پڑھیں:
دعا گو ہیں جنگ کے خاتمے کیلئے فیلڈ مارشل کی کوششیں کامیاب ہوں، بلاول بھٹو
فوٹو: اسکرین گریب۔جیو نیوزچیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ دعا گو ہیں کہ جنگ کے خاتمے کےلیے فیلڈ مارشل کی کوششیں کامیاب ہوں۔
اسکردو میں پی پی پی کے جلسے سے خطاب میں بلاول بھٹو زرداری نے کہا کہ پچھلے الیکشن میں گلگت بلتستان کا دورہ کیا، جی بی کے اضلاع میں جتنا میں آیا ہوں اتنا کوئی اور سیاستدان نہیں آیا۔
انہوں نے کہا کہ ایران میں خامنہ ای کو شہید کیا گیا، ان حالات میں یہاں انتخابی مہم چلانا مناسب نہیں سمجھا۔
پی پی چیئرمین نے مزید کہا کہ دعا گو ہیں جنگ کے خاتمے کےلیے فیلڈ مارشل کی کوششیں کامیاب ہوں۔ امن کوششیں کامیاب ہونا ضروری ہے، ایران کے ساتھ دنیا بھر کے عوام جنگ کا بوجھ اٹھا رہے ہیں۔
اُن کا کہنا تھا کہ پیپلز پارٹی پسماندہ طبقے کی نمائندگی کرنے والی واحد سیاسی جماعت ہے، یہ کیسی معاشی پالیسی اور ترقی ہے کہ امیر، امیر تر ہو۔
بلاول بھٹو زرداری نے یہ بھی کہا کہ بینظیر انکم سپورٹ پروگرام (بی آئی ایس پی) اسلام آباد کا وہ واحد ادارہ ہے، جو ہر غریب کے گھر تک پہنچتا ہے۔
انہوں نے کہا کہ بی آئی ایس پی کے خلاف سیاسی جماعتوں کی سازشیں ناکام ہوں گی، بجٹ میں وزیراعظم بی آئی ایس پی کے فنڈز میں اضافے کا اعلان کریں گے۔
پی پی چیئرمین نے کہا کہ ایٹم بم ذوالفقار بھٹو اور میزائل ٹیکنالوجی شہید محترمہ بینظیر بھٹو نے دی، جی بی کو شمالی علاقہ جات کہا جاتا تھا، جی بی کو نام صدر زرداری نے دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ