کراچی میں آن لائن منشیات نیٹ ورک کے خلاف بڑی کارروائی، 3 ملزمان گرفتار
اشاعت کی تاریخ: 10th, January 2026 GMT
ایس آئی یو/ سی آئی اے اور ٹاسک فورس نے منشیات فروشوں کے خلاف مشترکہ اور کامیاب کارروائی کرتے ہوئے کراچی میں آن لائن منشیات کا نیٹ ورک چلانے والے 3 ملزمان کو گرفتار کر لیا، جن کے قبضے سے لاکھوں روپے مالیت کی مہلک منشیات اور ایک گاڑی برآمد کر لی گئی۔
یہ بھی پڑھیں:کراچی پولیس کی کارروائیاں، بھاری مقدار میں منشیات برآمد، 14 ملزمان گرفتار
ایس ایس پی ایس آئی یو کے مطابق کارروائی کے دوران ملزمان کو ڈیفنس فیز فائیو کے علاقے خیابانِ بحریہ سے گرفتار کیا گیا۔ گرفتار افراد کی شناخت گل محمد، یاسر اور وسیم کے نام سے ہوئی ہے۔ پولیس نے ملزمان کے قبضے سے انتہائی مہلک ویڈ کی 300 گرام مقدار برآمد کی، جس کی مالیت 25 لاکھ روپے سے زائد بتائی جا رہی ہے۔
ایس ایس پی ایس آئی یو عمران خان کے مطابق ملزمان شہر کے پوش علاقوں میں آن لائن منشیات کی ڈیلیوری میں ملوث تھے اور سوشل ایپلیکیشنز کے ذریعے منشیات کے آرڈر وصول کیے جاتے تھے۔ انہوں نے بتایا کہ ملزمان کالج اور یونیورسٹی کے طلبہ کو بھی منشیات فروخت کرتے تھے۔
یہ بھی پڑھیں:کراچی پولیس کی کارروائی، افغان مہاجرین کے خالی کیے گئے گھر مسمار کردیے
کارروائی کے دوران ملزمان کے زیر استعمال آلٹو کار بھی تحویل میں لے لی گئی ہے۔ پولیس کے مطابق گرفتار افراد کا سابقہ مجرمانہ ریکارڈ حاصل کیا جا رہا ہے، جبکہ مزید قانونی کارروائی جاری ہے۔
ایس ایس پی ایس آئی یو/ سی آئی اے ڈاکٹر محمد عمران خان نے کہا کہ منشیات کے خلاف کارروائیاں مزید تیز کی جائیں گی اور نوجوان نسل کو اس لعنت سے بچانے کے لیے زیرو ٹالرنس پالیسی پر عمل جاری رکھا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آن لائن منشیات ایس آئی یو کراچی پولیس منشیات فروش.
ذریعہ
ذریعہ: WE News
کلیدی لفظ: ا ن لائن منشیات ایس آئی یو کراچی پولیس منشیات فروش
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا