امریکی ورجن آئی لینڈز میں شارک کا حملہ، خاتون ہلاک
اشاعت کی تاریخ: 10th, January 2026 GMT
امریکی ورجن آئی لینڈز کے جزیرے سینٹ کروکس میں سمندر میں نہاتے ہوئے ایک خاتون پر شارک نے حملہ کر دیا، جس کے نتیجے میں وہ شدید زخمی ہو گئیں اور بعد ازاں جانبر نہ ہو سکیں۔
یہ بھی پڑھیں:شارک نارنجی کیوں ہے؟ سائنسدانوں نے راز کھول دیا
غیر ملکی میڈیا کے مطابق جمعرات کی سہ پہر سینٹ کروکس کے ڈورش بیچ کے قریب سمندر میں تیراکی کے دوران ایک شارک نے منیسوٹا سے تعلق رکھنے والی 56 سالہ خاتون پر حملہ کیا۔ حملے کی اطلاع مقامی وقت کے مطابق شام 4 بج کر 28 منٹ پر پولیس کو دی گئی، جس کے بعد میرین یونٹس، فائر بریگیڈ اور ریسکیو ٹیمیں فوری طور پر موقع پر پہنچ گئیں۔
Woman killed after shark rips off her arm in US Virgin Islands: ‘Ungodly screaming’ https://t.
— New York Post (@nypost) January 9, 2026
ریسکیو اہلکاروں نے خاتون کو شدید زخمی حالت میں پایا، جن کا ایک بازو حملے میں ضائع ہو چکا تھا۔ حکام نے ممکنہ طور پر کسی دوسرے متاثرہ شخص کی تلاش بھی کی، تاہم کوئی اور فرد نہیں ملا۔ خاتون کی شناخت آرلین لیلس کے نام سے ہوئی، جو زخموں کی تاب نہ لاتے ہوئے چل بسیں۔
یہ بھی پڑھیں:امریکی مارکیٹوں میں شارک کے گوشت میں جعلسازی، نایاب اقسام بھی دسترخوان تک پہنچ گئیں
امریکی ورجن آئی لینڈز کے گورنر البرٹ برائن جونیئر نے واقعے پر افسوس کا اظہار کرتے ہوئے کہا کہ وہ متاثرہ خاتون کے اہلِ خانہ اور اس المناک واقعے کے عینی شاہدین کے غم میں برابر کے شریک ہیں۔ انہوں نے فوری مدد کرنے والے شہریوں اور ریسکیو اہلکاروں کی کوششوں کو بھی سراہا۔
حکام کے مطابق شارک کی قسم کی تاحال شناخت نہیں ہو سکی اور واقعے کی تحقیقات جاری ہیں۔ یہ حالیہ ہفتوں میں امریکا اور اس کے زیر انتظام علاقوں میں شارک کے حملے سے ہونے والی دوسری ہلاکت ہے۔ اس سے قبل دسمبر میں کیلیفورنیا کے مونٹیری بے میں بھی ایک خاتون شارک حملے میں جان سے ہاتھ دھو بیٹھی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا خاتون ہلاک شارک اٹیک
ذریعہ
ذریعہ: WE News
کلیدی لفظ: امریکا خاتون ہلاک شارک اٹیک
پڑھیں:
سانحہ اٹلی، جاں بحق افراد کی شہریت کی تصدیق تاحال نہیں ہو سکی، دفتر خارجہ
اٹلی میں مبینہ طور پر چار پاکستانی کسانوں(Pakistani farmers) کے لرزہ خیز قتل کے واقعے پر ترجمان دفتر خارجہ نے ردعمل دیتے ہوئے کہا ہے کہ جنوبی اٹلی میں جلائی گئی ایک وین سے چار افراد کی لاشیں ملی ہیں۔
ترجمان دفتر خارجہ کے مطابق ابتدائی اطلاعات سے ظاہر ہوتا ہے کہ جاں بحق افراد پاکستانی نژاد ہو سکتے ہیں، تاہم اس مرحلے پر ان کی شہریت کی حتمی تصدیق نہیں ہو سکی۔
دفتر خارجہ کے مطابق مقامی پولیس واقعے کی مکمل تحقیقات کر رہی ہے تاکہ حقائق سامنے لائے جا سکیں۔
مزید پڑھیں:کرپٹو ٹریڈنگ پر 15 تا 30 فیصد کیپیٹل گین ٹیکس عائد ہونے کا امکان، ذرائع
ترجمان نے مزید بتایا کہ اٹلی میں پاکستانی سفارتخانہ مقامی حکام کے ساتھ قریبی رابطے میں ہے ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ