سندھ میں 13,000 سے زائد منصوبے شروع کیے گئے، 9,193 مکمل ہو چکے ہیں: شرجیل میمن
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: سندھ کے سینئر وزیر شرجیل انعام میمن نے صوبے میں جاری ترقیاتی عمل کو اطمینان بخش قرار دیتے ہوئے کہا ہے کہ سندھ بھر میں اب تک نو ہزار سے زائد ترقیاتی منصوبے پایۂ تکمیل تک پہنچ چکے ہیں، جو حکومت کی پالیسیوں اور عملدرآمد کی رفتار کا واضح ثبوت ہیں۔
اپنے بیان میں سندھ کے سینئر وزیر شرجیل انعام میمن نے بتایا کہ صوبے میں مجموعی طور پر تیرہ ہزار سے زائد منصوبوں کا آغاز کیا گیا، جن میں صحت، تعلیم، زراعت، آبپاشی، سڑکوں اور سماجی شعبے کے 9 ہزار 193 منصوبے مکمل ہو چکے ہیں۔
ان کا کہنا تھا کہ 367 ارب روپے کی غیر ملکی امداد اور 76 ارب روپے وفاقی پی ایس ڈی پی کے تحت مختلف منصوبوں پر کام جاری ہے، جس کا مقصد صوبے میں بنیادی سہولیات کو بہتر بنانا ہے۔
سینئر وزیر نے واضح کیا کہ سندھ حکومت کا ترقیاتی وژن محض منصوبوں کے اعلانات تک محدود نہیں بلکہ بروقت تکمیل اور اعلیٰ معیار کو یقینی بنانا اس پالیسی کا بنیادی ستون ہے۔ اسی تناظر میں تمام محکموں کو ہدایت دی گئی ہے کہ نئے منصوبوں کی منظوری اسی وقت دی جائے جب جاری اسکیمیں مکمل ہو جائیں، کراچی میں ترقیاتی منصوبوں کی رفتار تیز کرنے کے ساتھ ساتھ معیار پر کسی قسم کا سمجھوتہ نہیں کیا جا رہا۔
شرجیل انعام میمن نے کہا کہ کراچی میں ہر ترقیاتی منصوبہ شہریوں کے معیارِ زندگی میں بہتری اور شہر کے بنیادی ڈھانچے کو مستحکم کرنے کے لیے ترتیب دیا گیا ہے، کراچی نیبرہڈ امپروومنٹ پروجیکٹ کے تحت سڑکوں، پارکوں، نکاسیٔ آب، سیوریج اور اسٹریٹ لائٹنگ کے متعدد منصوبے مکمل ہو چکے ہیں، جن کے مثبت اثرات شہری زندگی میں نمایاں طور پر محسوس کیے جا رہے ہیں۔
انہوں نے بتایا کہ وزیراعلیٰ سندھ کی ہدایات پر شہری ماسٹر پلانز پر سختی سے عملدرآمد کیا جا رہا ہے تاکہ غیر منصوبہ بند تعمیرات اور ترقیاتی بے قاعدگیوں کا سدباب کیا جا سکے۔
سندھ میونسپل سروسز ڈلیوری پروگرام کے تحت جیکب آباد سمیت دیگر شہروں میں پانی کی فراہمی، کچرے اور ویسٹ واٹر مینجمنٹ کے نظام میں بھی بہتری لائی گئی ہے۔
سینئر صوبائی وزیر کا کہنا تھا کہ سندھ میں جاری ہر ترقیاتی منصوبہ عوامی خدمات کی بہتری، معاشی سرگرمیوں کے فروغ اور پائیدار ترقی کے اصولوں کو سامنے رکھ کر تشکیل دیا گیا ہے، اور حقیقی کامیابی اسی میں ہے کہ منصوبے وقت پر مکمل ہوں، معیار برقرار رہے اور ان کے ثمرات براہِ راست عوام تک پہنچیں۔
ذریعہ
ذریعہ: Jasarat News
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار