پی آئی اے کے بعد اب کن اداروں کی نجکاری ہوگی؟ وفاقی وزیر مملکت نے بتا دیا
اشاعت کی تاریخ: 10th, January 2026 GMT
وفاقی وزیر مملکت برائے خزانہ بلال اظہر کیانی نے کہا ہے کہ 2022 میں کسی نے تصور بھی نہیں کیا تھا کہ پاکستان ڈیفالٹ سے نکل جائے گا، حکومتی کوششوں کی بدولت 2025 پاکستان کے لیے کامیابی کا سال ثابت ہوا، پی آئی اے کے بعد اب بجلی کی تقسیم کار کمپنیوں کی نجکاری کی جائےگی۔
اسلام آباد میں پریس کانفرنس کے دوران بلال اظہر کیانی نے کہا کہ عالمی سطح پر پاکستان کے موقف کی تائید ہوئی ہے، اور سفارتی تعلقات میں بھی اضافہ دیکھنے میں آیا ہے۔
مزید پڑھیں: پاکستان اور انڈونیشیا کا تجارتی تعاون کو مزید بڑھانے کا عزم، اہم معاہدہ طے پا گیا
انہوں نے بتایا کہ امریکا سمیت کئی دیگر ممالک کے ساتھ تعلقات بہتر ہوئے ہیں، جن میں بنگلہ دیش بھی شامل ہے، 2025 پاکستان کے لیے کامیابی کا سال ثابت ہوا۔
وزیر مملکت نے مزید کہاکہ 2022 میں شہباز شریف اور فیلڈ مارشل کی کوششوں کی بدولت ملک نے مالی مشکلات پر قابو پایا۔
انہوں نے بتایا کہ ایک شخص نے سائفر کے ذریعے پاکستان کو نقصان پہنچانے کی کوشش کی اور آئی ایم ایف کو خطوط لکھے، تاہم آج موجودہ آئی ایم ایف پروگرام کامیابی کے ساتھ جاری ہے۔
بلال اظہر کیانی نے کہاکہ تحریک انصاف کی حکومت نے جاتے ہوئے بھی ملک کو نقصان پہنچایا، اور پچھلے سال کچھ حلقے یہ کہتے تھے کہ منی بجٹ کے بغیر بجٹ نہیں چل سکے گا، مگر دیکھیں کہ کوئی منی بجٹ نافذ نہیں ہوا۔
انہوں نے قومی ایئر لائن کی نجکاری کو اہم کامیابی قرار دیتے ہوئے کہا کہ اس عمل میں بولی شفاف طریقے سے لگی اور سب نے براہِ راست مشاہدہ کیا۔
مزید پڑھیں: پاکستان نے معاشی استحکام اور سفارتی کامیابیوں کی نئی تاریخ رقم کی، اب مل کر آگے بڑھنا ہوگا، وزیراعظم
وزیر مملکت نے بتایا کہ قومی ایئر لائن اب مزید بہتری کی طرف جائے گی، اس کا فلیٹ دُگنا کیا جائے گا، اور بجلی کی تین تقسیم کار کمپنیوں کی بھی نجکاری کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی کی تقسیم کار کمپنیاں بلال اظہر کیانی پی آئی اے نجکاری وفاقی وزیر مملکت وی نیوز.
ذریعہ
ذریعہ: WE News
کلیدی لفظ: بجلی کی تقسیم کار کمپنیاں بلال اظہر کیانی پی ا ئی اے نجکاری وفاقی وزیر مملکت وی نیوز بلال اظہر کیانی وزیر مملکت
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار