پاور بینک نے چین سے جنوبی کوریا جانے والی پرواز کے مسافروں کو اسپتال پہنچادیا
اشاعت کی تاریخ: 10th, January 2026 GMT
چین سے جنوبی کوریا جانے والی پرواز میں پاور بینک میں آگ لگنے کے واقعے کے بعد 8 افراد کو اسپتال منتقل کر دیا گیا۔ یہ واقعہ ہفتے کی صبح 10 جنوری کو پیش آیا جب ٹی وے ایئر کی پرواز TW634 چین کے صوبہ ہینان کے شہر سانیا سے جنوبی کوریا کے شہر چیونگ جو روانہ ہوئی۔
یہ بھی پڑھیں: ایمریٹس نے اپنی پروازوں میں پاور بینک ساتھ رکھنے کی پابندی کیوں لگائی؟
پرواز صبح تقریباً 2.
ایئرلائن کے مطابق کیبن کریو نے فوری طور پر پاور بینک کو بیگ سے نکالا اور ہنگامی حفاظتی طریقہ کار کے تحت اسے پانی میں ڈال دیا، جس سے آگ پر قابو پا لیا گیا۔ پرواز بحفاظت چیونگ جو انٹرنیشنل ایئرپورٹ پر صبح 6.37 بجے لینڈ کر گئی، جو مقررہ وقت سے تقریباً 40 منٹ پہلے تھی۔
یہ بھی پڑھیں: چین میں پاور بینکس کے ساتھ فضائی سفر پر پابندی کیوں لگائی گئی؟
لینڈنگ کے بعد دھواں سانس میں جانے کے باعث 8 افراد، جن میں 5 مسافر اور 3 فلائٹ اٹینڈنٹس شامل تھے، قریبی اسپتال منتقل کیے گئے۔ بعد ازاں تمام متاثرہ افراد کو طبی معائنے کے بعد ڈسچارج کر دیا گیا اور وہ اپنے گھروں کو واپس روانہ ہو گئے۔
جنوبی کوریا کی وزارتِ لینڈ، انفراسٹرکچر اینڈ ٹرانسپورٹ نے واقعے کی مکمل تحقیقات کا اعلان کیا ہے۔ حکام کے مطابق پاور بینک کی گنجائش اور کیری آن سامان سے متعلق قواعد کی پاسداری کا جائزہ لیا جائے گا۔
یہ بھی پڑھیں: کیا آپ کا پاور بینک جعلی ہے؟ ان علامات سے پتہ چلائیں
واضح رہے کہ عالمی قوانین کے تحت یکم مارچ 2025 سے پاور بینکس کو کیبن کے اوور ہیڈ کمپارٹمنٹ میں رکھنے کی اجازت نہیں ہے اور ان پر سخت ضوابط لاگو ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپتال آگ پاور بینک پرواز جنوبی کوریا چین دھواں
ذریعہ
ذریعہ: WE News
کلیدی لفظ: اسپتال پاور بینک پرواز جنوبی کوریا چین دھواں جنوبی کوریا پاور بینک
پڑھیں:
میرب علی سرجری کے بعد اسپتال منتقل، مداحوں سے صحت یابی کی دعاؤں کی اپیل
پاکستانی شوبز انڈسٹری کی معروف اداکارہ اور ماڈل میرب علی نے حال ہی میں اپنی صحت سے متعلق ایک اہم انکشاف کرتے ہوئے بتایا ہے کہ انہیں انگلی کے مسئلے کے باعث سرجری کروانا پڑی، جس کے بعد وہ اسپتال میں زیرِ علاج رہیں۔
میرب علی نے سوشل میڈیا پر مداحوں کو اپنی طبی صورتحال سے آگاہ کیا۔ اداکارہ کے مطابق ان کی ایک انگلی میں حرکت محدود ہو گئی تھی اور وہ بار بار لاک ہو جاتی تھی، جس کے باعث روزمرہ امور انجام دینا مشکل ہو رہا تھا۔
انہوں نے بتایا کہ ابتدائی طور پر ماہر امراضِ جوڑ (رہیومیٹولوجسٹ) اور نیورولوجسٹ نے انہیں صحت مند قرار دیا تھا، تاہم بعد ازاں آرتھوپیڈک سرجن نے مکمل معائنے کے بعد سرجری تجویز کی۔
میرب علی کے مطابق انہیں توقع تھی کہ یہ ایک معمولی اور مختصر نوعیت کا آپریشن ہوگا، لیکن سرجری ان کی توقع سے کہیں زیادہ پیچیدہ اور وقت طلب ثابت ہوئی۔ یہ آپریشن کراچی کے آغا خان یونیورسٹی اسپتال میں انجام دیا گیا، جہاں انہوں نے علاج کے دوران اپنی ایک ویڈیو بھی مداحوں کے ساتھ شیئر کی۔
View this post on Instagramاداکارہ نے بتایا کہ سرجری کے بعد اب وہ بتدریج صحت یاب ہو رہی ہیں، جبکہ ان کے دوستوں، ساتھی فنکاروں اور مداحوں کی جانب سے نیک خواہشات اور دعاؤں کا سلسلہ جاری ہے۔
شوبز شخصیات میں مایا خان، درفشاں سلیم، ثناء فہد اور رابعہ کلثوم سمیت متعدد فنکاروں نے میرب علی کی جلد صحت یابی کے لیے دعا کی۔ سوشل میڈیا صارفین نے بھی اداکارہ کو آرام کرنے اور موبائل فون کے زیادہ استعمال سے گریز کرنے کا مشورہ دیا تاکہ انگلی پر مزید دباؤ نہ پڑے۔
بعض مداحوں کا کہنا تھا کہ اس نوعیت کی طبی شکایت بعض اوقات کھیلوں یا ہاتھوں کے مسلسل استعمال کے باعث بھی پیدا ہو سکتی ہے۔ اداکارہ کی جانب سے صحت سے متعلق یہ انکشاف سامنے آنے کے بعد مداح ان کی جلد مکمل صحت یابی کے لیے نیک تمناؤں کا اظہار کر رہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے