جنوبی وزیرستان: خارجی دہشت گرد حملے میں مولانا حافظ سلطان محمد شہید، مولانا فضل الرحمان کا اظہارِ افسوس
اشاعت کی تاریخ: 10th, January 2026 GMT
جنوبی وزیرستان کے وانا بازار میں ایک افسوسناک واقعے میں مولانا حافظ سلطان محمد شہید ہوگئے۔ گزشتہ روز دہشت گردوں کے حملے میں وہ شدید زخمی ہوئے تھے، جب خارجی دہشت گردوں نے انہیں اور ان کی بیٹی کو مدرسے کے قریب نشانہ بنایا۔
جے یو آئی کے رہنما مولانا فضل الرحمان نے مولانا حافظ سلطان محمد کی شہادت پر گہرے دکھ اور افسوس کا اظہار کیا۔ انہوں نے کہا کہ اس واقعے کی فوری تحقیقات کی جائیں اور ملزمان کو نشان عبرت بنایا جائے۔ مولانا فضل الرحمان نے اہلخانہ، کارکنان، علاقہ کے لوگوں اور تلامذہ کے ساتھ اظہارِ تعزیت کرتے ہوئے دعا کی کہ اللہ تعالیٰ اہلخانہ کو صبر جمیل عطا فرمائے۔
مولانا فضل الرحمان نے مزید کہا کہ خیبرپختونخوا اور بلوچستان میں دہشت گردی کے بڑھتے ہوئے واقعات انتہائی تشویشناک ہیں اور ملک میں امن و امان کے لیے فوری اقدامات کی ضرورت ہے۔
ذریعہ
ذریعہ: Daily Mumtaz
کلیدی لفظ: مولانا فضل الرحمان
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی