ٹی20 ورلڈ کپ 2026 کیلیے اسکواڈ میں شامل نہ ہونے پر شبمن گل نے خاموشی توڑ دی
اشاعت کی تاریخ: 10th, January 2026 GMT
بھارت کے ٹیسٹ اور ون ڈے کرکٹ ٹیم کے کپتان شبمن گل نے آئی سی سی ٹی20 ورلڈ کپ 2026 اسکواڈ میں اپنے نام شامل نہ ہونے پر پہلی مرتبہ کھل کر بات کی ہے۔ انہوں نے کہا کہ وہ سلیکٹرز کے فیصلے کا احترام کرتے ہیں اور ٹیم کے لیے نیک خواہشات کا اظہار کرتے ہیں۔
رپورٹ کے مطابق شبمن گل کو 15 رکنی ٹی20 ورلڈ کپ اسکواڈ میں شامل نہیں کیا گیا جہاں سلیکٹرز نے شارٹ فارم میں زیادہ جارحانہ اوپننگ آپشنز کو ترجیح دی۔ گل نے آخری پندرہ ٹی20 میچوں میں صرف 291 رنز بنائے تھے جس کی وجہ سے انہیں اس فارمیٹ سے باہر رکھا گیا۔
شبمن گل نے پری پریس کانفرنس میں کہا کہ سب سے پہلے میں یہ مانتا ہوں کہ مجھے اپنی زندگی میں جہاں ہونا چاہیے میں وہیں ہوں اور جو کچھ میرے نصیب میں لکھا ہے وہ کوئی مجھ سے نہیں چھین سکتا۔ انہوں نے مزید کہا کہ ہر کھلاڑی کی خواہش ہوتی ہے کہ وہ ورلڈ کپ میں ملک کے لیے بہترین کارکردگی دکھائے لیکن سلیکٹرز نے جو بھی فیصلہ کیا میں اس کا احترام کرتا ہوں اور ٹی20 ٹیم کو کامیابی کے لیے نیک خواہشات ہیں۔
گل نے واضح کیا کہ وہ اب قومی ٹیم کے تین میچوں پر مشتمل نیوزی لینڈ کے خلاف ون ڈے سیریز پر توجہ مرکوز کریں گے جہاں تجربہ کار کھلاڑی ویرات کوہلی اور روہت شرما ان کی معاونت کریں گے۔
.
ذریعہ
ذریعہ: Express News
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا