ٹی20 ورلڈ کپ 2026 اسکواڈ میں شامل نہ ہونے پر شبمن گل نے خاموشی توڑ دی
اشاعت کی تاریخ: 10th, January 2026 GMT
بھارت کے ٹیسٹ اور ون ڈے کرکٹ ٹیم کے کپتان شبمن گل نے پہلی بار کھل کر بات کی ہے کہ وہ آئی سی سی ٹی20 ورلڈ کپ 2026 کے 15 رکنی اسکواڈ میں شامل نہیں کیے جانے پر مایوس ضرور ہیں لیکن سلیکٹرز کے فیصلے کا احترام کرتے ہیں اور ٹیم کے لیے نیک خواہشات کا اظہار کرتے ہیں۔
رپورٹس کے مطابق شبمن گل کو شارٹ فارم میں زیادہ جارحانہ اوپننگ آپشنز کو ترجیح دینے کی وجہ سے ٹی20 اسکواڈ سے خارج کیا گیا، جبکہ انہوں نے گزشتہ 15 ٹی20 میچوں میں مجموعی طور پر 291 رنز بنائے تھے، جس کی بنیاد پر سلیکٹرز نے انہیں اس فارمیٹ سے باہر رکھنے کا فیصلہ کیا۔
پریس کانفرنس میں شبمن گل نے کہا، “میں مانتا ہوں کہ اپنی زندگی میں جہاں ہونا چاہیے، میں وہاں ہوں اور جو کچھ میرے نصیب میں لکھا ہے، اسے کوئی مجھ سے نہیں چھین سکتا۔ ہر کھلاڑی کی خواہش ہوتی ہے کہ وہ ورلڈ کپ میں ملک کے لیے بہترین کارکردگی دکھائے، لیکن سلیکٹرز کے فیصلے کا احترام کرتا ہوں اور ٹیم کی کامیابی کے لیے نیک خواہشات ہیں۔”
انہوں نے مزید کہا کہ اب ان کی توجہ قومی ٹیم کے تین میچوں پر مشتمل نیوزی لینڈ کے خلاف ون ڈے سیریز پر مرکوز ہوگی، جہاں تجربہ کار کھلاڑی ویرات کوہلی اور روہت شرما ان کی معاونت کریں گے۔
ذریعہ
ذریعہ: Daily Mumtaz
کلیدی لفظ: شبمن گل
پڑھیں:
سرکاری ملازمین کی تنخواہوں کے بعد پنشن میں بھی اضافہ
پشاور (نیوز ڈیسک) سرکاری ملازمین کے لیے بڑی خوشخبری آگئی، پنشن میں 7 فیصد اضافہ یکم جولائی 2026 سے نافذ العمل ہوگیا۔
تفصیلات کے مطابق خیبرپختونخوا حکومت نے صوبائی سرکاری پنشنرز کے لیے ایک اہم فیصلہ کرتے ہوئے نیٹ پنشن میں 7 فیصد اضافے کی منظوری دے دی ہے، جس کا باقاعدہ نوٹیفکیشن بھی جاری کر دیا گیا ہے۔
حکومتی اعلامیے میں کہا گیا کہ پنشن میں 7 فیصد اضافہ یکم جولائی 2026 سے نافذ العمل ہوگیا اور اس سے تمام صوبائی سرکاری پنشنرز مستفید ہو سکیں گے۔
محکمہ خزانہ خیبرپختونخوا کی جانب سے جاری کردہ نوٹیفکیشن میں پنشن میں اضافے کے حوالے سے اہم نکات اور شرائط واضح کی گئی ہیں۔
جس میں کہا ہے کہ یہ 7 فیصد اضافہ 30 جون 2026 تک حاصل کردہ نیٹ پنشن کی بنیاد پر دیا جائے گا اور یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے کے حقدار ہوں گے۔
یہ اضافہ فیملی پنشن اور کمپیشنٹ الاؤنس کے کیسز پر بھی یکساں طور پر لاگو ہوگا۔
اس کے علاوہ بیرون ملک مقیم صوبائی حکومت کے اہل پنشنرز بھی مقررہ شرائط و ضوابط کے تحت اس اضافے سے فائدہ اٹھا سکیں گے۔
نوٹیفکیشن میں واضح کیا گیا ہے کہ یہ 7 فیصد اضافہ پہلے سے ملنے والی کسی بھی “خصوصی اضافی پنشن” پر لاگو نہیں ہوگا۔
خیبرپختونخوا حکومت کے اس اقدام کو صوبے کے لاکھوں ریٹائرڈ ملازمین اور ان کے خاندانوں کے لیے موجودہ معاشی صورتحال میں ایک بڑا ریلیف قرار دیا جا رہا ہے۔
مزید پڑھیں۔سونے کی قیمت میں نمایاں کمی،فی تولہ نئی قیمت جانئے
تحریکِ تحفظِ آئینِ پاکستان کا پارلیمنٹ ہائوس سے دھرنا ختم