ایران میں جاری کشیدگی: ترکیہ نے اسرائیل کو کسی بھی جارحانہ اقدام سے خبردار کردیا
اشاعت کی تاریخ: 10th, January 2026 GMT
ترکیہ نے اسرائیل کو ایران میں جاری داخلی کشیدگی کا ناجائز فائدہ اٹھانے سے خبردار کردیا۔
ترک وزیر خارجہ حاقان فیدان نے ترک میڈیا کو دیے گئے انٹرویو میں کہاکہ ایران میں احتجاجی مظاہروں سے اسرائیل کی توقعات پوری نہیں ہوں گی اور اس کا کوئی فائدہ نہیں ہوگا۔
مزید پڑھیں: پاکستانی شہریوں کے لیے ایران کا سفارتی الرٹ، سفارتخانے نے 24 گھنٹے رابطے کی سہولت فراہم کر دی
انہوں نے مزید کہاکہ ایران میں موجود حالیہ مظاہرے پہلے کے احتجاج سے مختلف نوعیت کے ہیں اور ان کا دائرہ کافی محدود ہے۔ ایرانی عوام کو اپنے ردعمل کی حد کا علم ہے، اس لیے بیرونی قوتیں ایران کے اندرونی حالات سے فائدہ نہیں اٹھا سکیں گی۔
ترک وزیر خارجہ نے یہ بھی نشاندہی کی کہ اسرائیل غزہ میں جنگ بندی معاہدے کے اگلے مرحلے میں رکاوٹیں ڈال رہا ہے، تاہم ترکیہ انسانی امداد اور تعمیر نو کے لیے اپنا کردار ادا کرنے کے لیے تیار ہے۔
دوسری جانب ایران میں پُرتشدد مظاہرے 13 ویں روز بھی جاری ہیں۔ اب تک درجنوں افراد ہلاک ہو چکے ہیں اور قریباً 2 ہزار سے زیادہ افراد کو گرفتار کیا جا چکا ہے۔ ملک بھر میں مسلسل تیسرے روز بھی انٹرنیٹ سروس معطل ہے۔
ایرانی پاسداران انقلاب نے اسلامی انقلاب کی کامیابیوں کے تحفظ اور سکیورٹی برقرار رکھنے کو سرخ لکیر قرار دیا ہے۔
مزید پڑھیں: ایران بحران: مظاہرین کے قتل پر امریکا مداخلت کرسکتا ہے، ٹرمپ کی وارننگ
ایرانی فوج نے بھی ایک بیان میں کہا کہ کمانڈر انچیف کی قیادت میں فوج دشمن کی حرکتوں پر نظر رکھے گی اور قومی مفادات و عوامی املاک کے تحفظ کو یقینی بنائے گی۔
دوسری جانب امریکی صدر ٹرمپ نے دھمکی دی ہے کہ اب اگر ایرانی سیکیورٹی فورسز کی جانب سے کسی شہری کو ہلاک کیا گیا تو تہران پر حملہ کردیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایران کشیدگی ترکیہ خبردار کردیا وی نیوز.
ذریعہ
ذریعہ: WE News
کلیدی لفظ: ایران کشیدگی ترکیہ خبردار کردیا وی نیوز ایران میں کے لیے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار