کوئی شہزادہ آئے جو پنجرے میں بٹھا کر اپنے ساتھ لے جائے، حریم فاروق
اشاعت کی تاریخ: 10th, January 2026 GMT
پاکستانی اداکارہ حریم فاروق نے محبت اور مستقبل کے شریکِ حیات سے متعلق اپنے خیالات کا بے باک انداز میں اظہار کرتے ہوئے خود کو ایک رومانوی مزاج کی شخصیت قرار دیا ہے۔
یہ بھی پڑھیں: اداکارہ حریم فاروق پاکستانی ڈراموں کے اسکرپٹ کے بارے میں کیا کہتی ہیں؟
ایک حالیہ انٹرویو میں حریم فاروق کا کہنا تھا کہ ان کی سوچ خاصی فلمی ہے اور وہ چاہتی ہیں کہ کوئی شہزادہ آئے، انہیں پنجرے میں بٹھا کر اپنے ساتھ لے جائے۔ ان کے مطابق رومان ان کی زندگی اور تعلقات میں مرکزی حیثیت رکھتا ہے۔
اداکارہ نے بتایا کہ وہ کلاسک رومانوی فلموں کی بڑی مداح ہیں اور دل والے دلہنیا لے جائیں گے، دل تو پاگل ہے اور ٹائٹینک جیسی فلمیں وہ کئی بار دیکھ چکی ہیں۔
حریم فاروق کے مطابق حقیقی محبت وہ ہوتی ہے جس میں سامنے والا شخص رشتے کی خاطر لڑنے اور خود کو بدلنے کے لیے تیار ہو، کیونکہ یہی سچی محبت کی پہچان ہے۔
یہ بھی پڑھیں: ہانیہ عامر کو شوبز میں کس نے متعارف کروایا؟ اداکارہ کا اہم بیان سامنے آگیا
دل ٹوٹنے کے تجربے پر گفتگو کرتے ہوئے حریم فاروق نے کہا کہ ابتدا میں یہ کیفیت بہت شدید ہوتی ہے اور ایسا محسوس ہوتا ہے جیسے دنیا ہی ختم ہو گئی ہو۔
تاہم ان کا کہنا تھا کہ کچھ عرصے بعد انہوں نے خود کو سنبھالا اور یہ احساس کیا کہ زندگی میں آگے بڑھنے کے لیے ابھی بہت کچھ باقی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پنجرہ حریم فاروق رومانس شادی.
ذریعہ
ذریعہ: WE News
کلیدی لفظ: حریم فاروق حریم فاروق
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ