میرے لیے بگھی لانے والا ہی میرا شہزادہ ہوگا، حریم فاروق کا محبت پر اظہار
اشاعت کی تاریخ: 10th, January 2026 GMT
پاکستان شوبز کی معروف اداکارہ، پروڈیوسر اور میزبان حریم فاروق نے محبت اور اپنے خوابوں کے شریکِ حیات سے متعلق خیالات کا اظہار کیا۔
حریم فاروق نے کہا کہ وہ روایتی اور فلمی انداز کی محبت پر یقین رکھتی ہیں اور چاہتی ہیں کہ ان کا ’’شہزادہ‘‘ ان کے لیے بگھی یا تانگہ لے کر آئے۔ ان کے مطابق یہی رومانوی انداز انہیں سب سے زیادہ متاثر کرتا ہے۔
حال ہی میں ایک نجی میگزین کے یوٹیوب پروگرام میں گفتگو کے دوران حریم فاروق نے اپنی رومانوی سوچ کھل کر بیان کی۔ آئیڈیل لائف پارٹنر کے سوال پر انہوں نے کہا کہ انہیں خوبصورتی، انداز اور فلمی رومانس پسند ہے اور وہ ایسے شخص کو اپنا شہزادہ سمجھیں گی جو ان کے لیے بگھی لانے جیسا خوبصورت اور یادگار قدم اٹھائے۔
محبت کے تصور پر بات کرتے ہوئے اداکارہ نے خود کو ایک انتہائی رومانوی انسان قرار دیا۔ ان کا کہنا تھا کہ وہ دل والے دلہنیا لے جائیں گے، دل تو پاگل ہے اور ٹائٹینک جیسی فلموں کی مداح رہی ہیں اور ٹائٹینک تو انہوں نے کئی بار دیکھی ہے۔
حریم فاروق کے مطابق ان کے نزدیک محبت کی اصل خوبصورتی یہ ہے کہ انسان ایک دوسرے کے لیے جدوجہد کرے اور ناممکن کو ممکن بنانے کی کوشش کرے۔
انہوں نے یہ بھی بتایا کہ ہر انسان کی خواہش ہوتی ہے کہ کوئی اس کے لیے کھڑا ہو، اس کا ساتھ دے اور عزت و احترام کرے۔ ان کے مطابق جب کوئی شخص محبت میں خود کو بدلتا ہے تو یہ اس بات کی علامت ہوتی ہے کہ وہ واقعی دوسرے کو پانا چاہتا ہے اور اس کے لیے محنت کر رہا ہے۔
حریم فاروق نے واضح کیا کہ وہ محبت میں دوسروں کو بدلنے پر یقین نہیں رکھتیں بلکہ خود کو بدلنا اس بات کا ثبوت ہے کہ آپ اپنے محبوب کو تکلیف نہیں دینا چاہتے۔ ان کے بقول محبت میں ایسی طاقت ہوتی ہے جو انسان کو ایک لمحے میں ہلا کر رکھ دیتی ہے۔
دل ٹوٹنے کے تجربے پر بات کرتے ہوئے اداکارہ نے کہا کہ درد اور دل شکستگی کے بغیر زندگی پھیکی اور بورنگ محسوس ہوتی ہے۔ انہوں نے اعتراف کیا کہ ان کا بھی دل ٹوٹا اور اس وقت ایسا لگا جیسے دنیا بکھر گئی ہو۔ وہ تقریباً ایک ماہ تک اداس رہیں، تاہم بعد میں انہیں احساس ہوا کہ زندگی خوبصورت ہے اور دل ٹوٹ جانا دنیا کا اختتام نہیں ہوتا۔
.
ذریعہ
ذریعہ: Express News
کلیدی لفظ: حریم فاروق نے انہوں نے ہوتی ہے کے لیے ہے اور
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا