امریکی جارہانہ عزائم دنیا کے امن کیلیے خطرہ ہیں،کاشف شیخ
اشاعت کی تاریخ: 11th, January 2026 GMT
data-id="863a0a8" data-element_type="widget" data-widget_type="theme-post-content.default">
260111-08-21
کراچی ( اسٹاف رپورٹر) امیرجماعت اسلامی سندھ کاشف سعید شیخ نے کہا ہے کہ امریکا کے جارہانہ عزائم پوری دنیا کے امن کے لیے خطرہ ہیں۔صدرٹرمپ کا فوج کو کسی بھی وقت کسی بھی ملک پرحملے کا حکم دے سکتا ہوں کا بیان ان کو نوبل انعام کے لیے نامزدکرنے والے حکمرانوں کے منہ پرطمانچہ ہے۔ایران میں مہنگائی کے خلاف بھڑکنے والی آگ پاکستان کو بھی اپنی لپیٹ میں لے سکتی ہے۔بدل دونظام تحریک عوام کے دلوں کی آوازبن چکی ہے۔کرپٹ اشرافیہ اورمفادپرست حکمرانوں نے اپنی روش تبدیل نہ کی تو پھران ملک سے فرار ہونے کا موقع بھی نہیں ملے گا۔جماعت اسلامی کی بدل دو نظام کو سنواردو سندھ کو مہم میں برادرتنظیمات اپنا بھرپورکردارادا کریں۔ان خیالات کا اظہار انہوں نے قبا آڈیٹوریم میں برادرتنظیمات کے اجلاس سے خطاب کے موقع پر کیا۔ان کا مزید کہنا تھا کہ اہل ودیانتدارقیادت کے فقدان کی وجہ سے خوشحال سندھ کے عوام بحال اورغربت وافلاس کی تصویر بنے ہوئے ہیں۔مہنگائی کے طوفان کی وجہ سے عوام کی قوت خرید ختم ہوتی جارہی ہے ہرچوتھا شخص خوراک کی کمی شکار ہے۔لاکھوں بچے بھوکے پیٹ سوتے ہیں۔پاکستان کی ترقی وعوام کی خوشحالی اسلام سے وابستہ ہے۔صوبائی جنرل سیکرٹری جماعت اسلامی سندھ محمد یوسف ،نائب امرا صوبہ سندھ حافظ نصراللہ عزیز ،پروفیسر نظام الدین میمن ،نائب قیمین علامہ حزب اللہ جکھرو،الطاف احمد ملاح ، سہیل احمد شارق بھی اس موقع پر موجود تھے۔
ذریعہ
ذریعہ: Jasarat News
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار