ڈھاکہ انٹرنیشنل فلم فیسٹیول کا آغاز، 91 ممالک کی فلمیں نمائش میں
اشاعت کی تاریخ: 11th, January 2026 GMT
ڈھاکہ میں 24ویں ڈھاکہ انٹرنیشنل فلم فیسٹیول کا باضابطہ آغاز ہو گیا، جس میں دنیا بھر کے مختلف ممالک سے منتخب فلمیں پیش کی جا رہی ہیں۔ فیسٹیول 10 سے 18 جنوری تک جاری رہے گا۔
24ویں ڈھاکہ انٹرنیشنل فلم فیسٹیول کی افتتاحی تقریب ہفتے کی شام بنگلہ دیش نیشنل میوزیم میں منعقد ہوئی، جس میں مقامی اور غیر ملکی فلم سازوں، ثقافتی شخصیات، سفارت کاروں اور میڈیا نمائندوں نے شرکت کی۔
View this post on Instagram
A post shared by @ferdy_lapuz
افتتاحی تقریب کے دوران 2 آڈیٹوریمز میں بیک وقت فلموں کی نمائش کی گئی، جبکہ مرکزی آڈیٹوریم میں چینی ہدایت کار چن شیانگ کی فلم وو جن ژی لو پیش کی گئی۔ اس موقع پر بنگلہ دیش اور چین کے درمیان ثقافتی روابط کو فروغ دینے کے لیے چینی فلموں کا خصوصی گوشہ بھی قائم کیا گیا۔
یہ بھی پڑھیں:بھارت اور بنگلہ دیش کے درمیان تنازع بڑھ گیا، ڈھاکہ میں آئی پی ایل کی نشریات پر پابندی عائد
تقریب سے خطاب کرتے ہوئے فیسٹیول ڈائریکٹر احمد مجتبیٰ جمال نے کہا کہ اچھا سنیما، اچھا ناظر اور اچھی سوسائٹی ایک دوسرے سے جڑے ہوتے ہیں۔ تقریب میں جلتارنگا تھیٹر کمپنی نے فنی پرفارمنس بھی پیش کی۔
عبوری حکومت کی مشیر سیدہ رضوانہ حسن نے کہا کہ سنیما نہ صرف تفریح کا ذریعہ ہے بلکہ ماحولیاتی شعور، سماجی ذمہ داری اور ثقافتی ہم آہنگی کو فروغ دینے میں بھی اہم کردار ادا کرتا ہے۔
اس سال فلم فیسٹیول میں 91 ممالک کی 245 فلمیں نمائش کے لیے پیش کی جا رہی ہیں، جن میں آزاد، بین الاقوامی اور سماجی موضوعات پر مبنی فلمیں شامل ہیں۔
فلموں کی نمائش ڈھاکہ اور کوکس بازار کے مختلف مقامات پر کی جائے گی، جن میں بنگلہ دیش نیشنل میوزیم، شلپکلا اکیڈمی، الائنس فرانسیز، اسٹامفورڈ یونیورسٹی اور لبنی بیچ شامل ہیں۔
ڈھاکہ
افتتاحی تقریب کا اختتام فلم سازوں، معزز مہمانوں اور میڈیا نمائندوں کی شرکت کے ساتھ ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
24واں فلم فیسٹیول ڈھاکہ ڈھاکہ فلم فیسٹیول.
ذریعہ
ذریعہ: WE News
کلیدی لفظ: 24واں فلم فیسٹیول ڈھاکہ
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
وزارت آئی ٹی نے 1.67 ارب روپے سے زاید کے فنڈز طلب کرلیے