اسلام آباد: پاکستان کی ترسیلاتِ زر میں تاریخی اضافہ، معیشت اور عالمی اعتماد کے لیے خوش آئند پیش رفت
اشاعت کی تاریخ: 11th, January 2026 GMT
اسلام آباد(نیوز ڈیسک) پاکستان کی معیشت کے لیے ایک مثبت اور حوصلہ افزا پیش رفت سامنے آئی ہے، جہاں بیرونِ ملک مقیم پاکستانیوں کی جانب سے بھیجی جانے والی ترسیلاتِ زر نے نئی تاریخی بلندی کو چھو لیا ہے۔ ریکارڈ ترسیلاتِ زر کو حکومت کی معاشی پالیسیوں پر اوورسیز پاکستانیوں کے بھرپور اعتماد کا مظہر قرار دیا جا رہا ہے۔
مشیر وزیر خزانہ خرم شہزاد نے ترسیلاتِ زر کے تازہ اعداد و شمار جاری کرتے ہوئے بتایا کہ دسمبر 2025 میں بیرونِ ملک مقیم پاکستانیوں کی جانب سے بھیجی جانے والی ترسیلاتِ زر 3.
خرم شہزاد نے مزید بتایا کہ دسمبر 2025 میں ترسیلاتِ زر نومبر 2025 کے 3.2 ارب ڈالر کے مقابلے میں بھی 13 فیصد زیادہ رہیں، جو مسلسل اضافے کے رجحان کی واضح علامت ہے۔
مشیر وزیر خزانہ کے مطابق مالی سال 2026 کی پہلی ششماہی میں مجموعی ترسیلاتِ زر 19.7 ارب ڈالر تک پہنچ چکی ہیں، جو گزشتہ مالی سال کی اسی مدت کے مقابلے میں 41 فیصد زیادہ ہیں۔ انہوں نے توقع ظاہر کی کہ مالی سال 2026 کے اختتام تک مجموعی ترسیلاتِ زر 41 ارب ڈالر سے تجاوز کر جائیں گی۔
اعداد و شمار کے مطابق دسمبر 2025 میں سب سے زیادہ ترسیلات سعودی عرب سے موصول ہوئیں، جہاں سے 813 ملین ڈالر پاکستان بھیجے گئے۔ متحدہ عرب امارات سے 726 ملین ڈالر، برطانیہ سے 560 ملین ڈالر اور امریکا سے 302 ملین ڈالر کی ترسیلات موصول ہوئیں۔
ماہرین کے مطابق مجموعی طور پر دسمبر 2025 میں بیرونِ ملک پاکستانیوں کی ترسیلات میں نمایاں اضافہ دیکھا گیا ہے، جو ملکی زرمبادلہ کے ذخائر، کرنٹ اکاؤنٹ اور معاشی استحکام کے لیے نہایت اہم ہے۔
معاشی تجزیہ کاروں کا کہنا ہے کہ بیرونِ ملک پاکستانیوں کی ملکی معیشت میں مضبوط شمولیت طویل المدتی استحکام، پائیدار ترقی اور پاکستان کے روشن معاشی مستقبل کی مضبوط ضمانت ہے۔
ذریعہ
ذریعہ: Daily Mumtaz
کلیدی لفظ: پاکستانیوں کی ملین ڈالر ارب ڈالر کے مطابق
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار