کراچی میں پی ٹی آئی جلسے سے پہلے مزار قائد کے اطراف سیکیورٹی سخت
اشاعت کی تاریخ: 11th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: تحریک انصاف (پی ٹی آئی) کے جلسے سے قبل کراچی میں مزارِ قائد اور اطراف میں پولیس کی بھاری نفری تعینات کر دی گئی ہے، انتظامیہ نے شہر کے اہم راستوں کو جزوی یا مکمل طور پر بند کر دیا ہے تاکہ جلسے کے دوران عوامی نقل و حمل میں رکاوٹ نہ آئے اور جلسہ پرامن ماحول میں منعقد ہو سکے۔
ذرائع کے مطابق پیپلز چورنگی سے مزارِ قائد آنے والی سڑک کا ایک ٹریک اور خداداد کالونی سے آنے والی سڑک کے دونوں ٹریک بند کر دیے گئے ہیں، اسی طرح گرومندر سے نمائش سگنل تک جانے والی سڑک کو بھی بند کر دیا گیا ہے۔ سیکیورٹی فورسز مختلف مقامات پر تعینات کی گئی ہیں تاکہ ممکنہ خطرات یا خلل کو بروقت قابو میں لایا جا سکے۔ شہریوں کو بھی متبادل راستے استعمال کرنے کی ہدایات جاری کی گئی ہیں۔
دوسری جانب پی ٹی آئی کے چیئرمین بیرسٹر گوہر نے سندھ حکومت سے اپیل کی ہے کہ وہ آج، یعنی وزیراعلیٰ خیبر پختونخوا سہیل آفریدی کے دورے کے آخری دن، کسی بھی قسم کی بدمزگی پیدا نہ کرے، جلسہ مقررہ وقت اور مقام پر قانون کے مطابق اور جمہوری انداز میں منعقد کیا جائے گا اور یہ کسی فرد یا گروہ کے خلاف نہیں بلکہ عوامی حقوق کے لیے ہوگا۔
انہوں نے کراچی کے عوام سے بھی اپیل کی کہ وہ خان کے نمائندے اور وزیراعلیٰ خیبر پختونخوا کو مایوس نہ کریں اور جلسے کی کامیابی میں اپنا کردار ادا کریں،پارٹی کے جلسے کا مقصد عوامی شعور بیدار کرنا اور جمہوری حقوق کے فروغ کے لیے عوام کو متحد کرنا ہے۔
ذریعہ
ذریعہ: Jasarat News
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم