ملک میں ہونے والی ہنگامہ آرائی کے پیچھے امریکا اور اسرائیل ہیں، ایرانی صدر
اشاعت کی تاریخ: 11th, January 2026 GMT
تہران:
ایران کے صدر مسعود پزشکیان نے ملک میں جاری ہنگامہ آرائی اور احتجاج پر عوام سے پرامن رہنے کی اپیل کرتے ہوئے ان کے خدشات کم کرنے کی یقین دہانی کرائی ہے اور کہا ہے کہ اس ہنگامہ آرائی اور دہشت گردی کے پیچھے امریکا اور اسرائیل ہے۔
ایرانی صدر مسعود پزشکیان نے سرکاری نشریاتی ادارے کو انٹرویو میں کہا کہ اگر لوگوں کو تحفظات ہیں تو ان کو دور کرنا ہماری ذمہ داری ہے لیکن اس سے بڑی ذمہ داری ہے کہ ہم کسی انتشاری گروپ کو اجازت نہ دیں کہ وہ آئے اور پورے ملک کو خراب کرے۔
نوجوانوں کو مخاطب کرکے انہوں نے کہا کہ وہ ان ہنگامہ آرائی کرنے والوں اور دہشت گردوں کے دھوکے میں مت آئیں اور ایرانی عوام سے اپیل کی کہ وہ اپنے بچوں کو اس ہنگامہ آرائی میں شامل ہونے سے روکیں، ہم خبردار کر رہے ہیں یہ لوگ تربیت یافتہ ہیں۔
ان کا کہنا تھا کہ ایرانی عوام کے دشمنوں نے ملک کے اندر اور باہر دونوں جگہ لوگوں کے ایک گروپ کو تربیت فراہم کردی ہے تاکہ وہ سرکاری اور نجی املاک کو تباہ کرے اور شہریوں کو قتل کرے۔
صدر مسعود پزشکیان نے کہا کہ دشمن نے تربیت یافتہ دہشت گردوں کو ملک میں اتار دیا ہے، ہنگامہ آرائی کرنے والے اور شرپسند احتجاج کرنے والے لوگ نہیں ہیں، ہم احتجاج کرنے والوں کو سن رہے ہیں اور ان کے مسائل حل کرنے کے لیے انتھک کوششیں کر رہے ہیں۔
انہوں نے کہا کہ ہم مسائل حل کرنے کی کوشش کر رہے ہیں اور عوام کے خدشات کم کر رہے ہیں اور ہم کسی بیرونی طاقت کو اجازت نہیں دیں گے کہ وہ قوم کے درمیان انتشار کا بیچ بوئے۔
صدر مسعود پزشکیان نے عوام کی زندگی میں بہتری لانے کے لیے ہر قسم کی کوششیں کرنے کا وعدہ کیا اور زندگی کے تمام شعبوں سے تعلق رکھنےو الے افراد کو دعوت دی کہ بیرونی حمایت سے ہونے والی کشیدگی کے خلاف حکومت کے ہاتھ مضبوط کریں۔
مزید پڑھیںاگر ملک پر حملہ ہوا تو جواب میں اسرائیلی اور امریکی اڈوں کو نشانہ بنائیں گے، ایران
ملک کے "قومی مفادات" کا دفاع کرنے کیلئے پر عزم ہیں، ایرانی فوج کا اعلان
انہوں نے کہا کہ امریکی صدر ڈونلڈ ٹرمپ کو وینزویلا، غزہ اور دیگر ملکوں میں اپنے اقدامات پر شرمندہ ہونا چاہیے۔
صدر نے واضح کیا کہ ملک میں ہونے والی ہنگامہ آرائی کے پیچھے امریکا اور اسرائیل ہیں، امریکا اور اسرائیل کہہ رہے ہیں ہم ان کے پیچھے ہیں، یہ وہی لوگ ہیں جنہوں نے ہمارے ملک میں بچوں کو قتل کیا اور ان شرپسندوں کو کہہ رہے ہیں جاؤ تباہ کرو اور جلاؤ۔
ایرانی عوام سے اپیل کرتے ہوئے انہوں نے کہا کہ قوم کے مسائل حل کرنے کے لیے متحد رہیں، کسی بھی شہری کو افراتفری نہیں پھیلانی چاہیے اور کسی انسان کو دوسرے انسان کی جان نہیں لینی چاہیے۔
مسعود پزیشکیان نے ایرانی عوام سے مطالبہ کیا کہ وہ اپنا مقصد ہنگامہ آرائی کرنے والوں اور مسلح دہشت گردوں کے راستے سے الگ کریں۔
ایرانی صدر نے کہا کہ ان کی حکومت ملک میں کرپشن کی جڑوں کے خلاف لڑ رہی ہے، انتظامیہ قوم کے مسائل حل کرنے اور عوامی خدشات کم کرنے کے لیے اقدامات کی ذمہ دار ہے اسی دوران شرپسندوں کی جانب سے امن و امان کو خراب کرنے سے روکنے بھی ان کی ذمہ داری ہے۔
مسعود پزشکیان نے زور دیتے ہوئے کہا کہ شہریوں کا قتل کسی صورت ناقابل قبول ہے اور امریکا اور اسرائیل شرپسندوں کو تربیت دے رہے ہیں اور ان کو تعاون فراہم کر رہے ہیں۔
.
ذریعہ
ذریعہ: Express News
کلیدی لفظ: صدر مسعود پزشکیان نے امریکا اور اسرائیل انہوں نے کہا کہ ہنگامہ آرائی ایرانی عوام رہے ہیں اور کر رہے ہیں کے پیچھے ملک میں عوام سے کے لیے
پڑھیں:
سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں
سیٹلائٹ تصاویر نے کوٹلی ستیاں کے جنگلات میں لگنے والی حالیہ بھیانک آگ کی تباہی کی تفصیلات ظاہر کر دیں۔
سپارکو کی جانب سے پر جاری کردہ سیٹلائٹ ڈیٹا کے مطابق گرمی کی حالیہ شدید لہر کے باعث جنگلات میں لگنے والی ہولناک آگ نے پنجاب کے ماحولیاتی لحاظ سے حساس علاقے 'کوٹلی ستیاں' کے 25 مقامات پر پھیلے ہوئے تقریباً 3,037 ہیکٹر (7,504.7 ایکڑ) پر مشتمل قدرتی جنگلات کو خاکستر کر دیا ہے۔
9 مئی سے 29 مئی 2026 تک کی سیٹلائٹ تصاویر کا موازنہ کرنے سے معلوم ہوتا ہے کہ آگ لگنے کے بعد 'چِیڑ' کے جنگلات کو شدید نقصان پہنچا ہے، جو کہ دریائے سندھ اور دریائے جہلم کے اہم ذیلی آبی ذخائر کے لیے انتہائی ضروری ہیں۔
ماہرین نے خبردار کیا ہے کہ اس کے ماحولیاتی اثرات صرف آگ سے جھلسنے والے فوری نقصانات تک محدود نہیں ہیں؛ بلکہ اس آفت نے مقامی پرندوں اور جنگلی حیات کی افزائشِ نسل کے عروج کے سیزن کو شدید متاثر کیا ہے۔
نئے اگنے والے پودوں اور پنیریوں کو تباہ کر دیا ہے، اور اس متاثرہ زمین پر ایسی جڑی بوٹیوں اور جھاڑیوں کے پھیلنے کی راہ ہموار کر دی ہے جو آگ کو برداشت کرنے کی صلاحیت رکھتی ہیں۔
اگرچہ مقامی آبادی اور محکمہ جنگلات کے عملے نے کئی علاقوں میں آگ پر کامیابی سے قابو پا لیا ہے، لیکن تیز اور گرم ہواؤں کے باعث ہمسایہ ڈھلوانوں پر اب بھی آگ پھیل رہی ہے، جس سے ماحول کو مزید نقصان پہنچنے کا خطرہ ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے