پاک نیوی کے جہازوں کا عمان کی بندرگاہ سلطان قابوس کا دورہ
اشاعت کی تاریخ: 11th, January 2026 GMT
پاکستان نیوی کےجہازوں نے عمان کی بندرگاہ سلطان قابوس کادورہ کیا ہے۔
آئی ایس پی آر کے مطابق پی این ایس رہ نورد،پی این ایس مددگار اور پی ایم ایس ایس کشمیر مسقط پہنچ گئے۔
آئی ایس پی آر کے مطابق عمانی حکام نے پاکستان نیوی کے جہازوں کا پرتپاک استقبال کیا، مشن کمانڈر اور کمانڈنگ افسران نے رائل نیوی آف عمان کی قیادت سے ملاقاتیں کیں۔
مشن کمانڈر نے قائم مقام کمانڈر رائل نیوی آف عمان اور سلطان قابوس نیول اکیڈمی کےکمانڈنٹ سے ملاقات ہوئی۔
پاکستان نیوی وفد کی ڈی جی آپریشنز اینڈ پلانز رائل نیوی آف عمان سے ملاقات ہوئی، پاکستان نیوی اور پی ایم ایس اے جہازوں کی مشترکہ مشق ہوئی۔
آئی ایس پی آر کے مطابق رائل عمان نیوی کے جہاز KHASAB کے ساتھ پاسج ایکسر سائز کی، بحری مشق کا مقصد باہمی ہم آہنگی اور پیشہ ورانہ مہارت میں اضافہ ہے۔
پاکستان اور عمان سمندری ہمسائے ہیں، مشترکہ مشقیں معمول کا حصہ ہیں، دورے سے پاکستان نیوی، عمان نیوی کے درمیان دفاعی تعاون مزید مضبوط ہوگا۔
آئی ایس پی آر کے مطابق خطے میں بحری امن و سلامتی کے لیے دو طرفہ تعاون جاری رکھنے پر اتفاق کیا گیا۔
.
ذریعہ
ذریعہ: Jang News
کلیدی لفظ: ا ئی ایس پی ا ر کے مطابق پاکستان نیوی نیوی کے نیوی ا
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار