مزدور تنظیموں کا امریکی جارحیت کے خلاف مظاہرہ
اشاعت کی تاریخ: 12th, January 2026 GMT
data-id="863a0a8" data-element_type="widget" data-widget_type="theme-post-content.default">
نیشنل ٹریڈ یونین فیڈریشن پاکستان، ہوم بیسڈ وومن ورکرز فیڈریشن پاکستان اور دیگر تنظیموں نے وینزویلا کے خلاف جاری امریکی سامراج کی مسلح جارحیت کے خلاف احتجاجی مظاہرے کا اہتمام کیا، جس میں وینزویلا کے عوام کی سامراج دشمن مزاحمت سے اظہارِ یکجہتی اور امریکی جنگی جنون کی کڑی مذمت کی گئی۔
احتجاجی مظاہرے میں شرکاء نے وینزویلا کے جھنڈے، لاطینی امریکا کے انقلابی رہنما ہوگو شاویز اور وینزویلا کے اغوا شدہ صدر نکولس مادورو کی تصاویر بھی اُٹھا رکھی تھیں۔
اجتماع سے خطاب کرتے ہوئے نیشنل ٹریڈ یونین فیڈریشن کے سیکرٹری جنرل ناصر منصور نے کہا کہ ٹرمپ نے اپنی سامراجی سرشت کے عین مطابق غزہ کے بعد وینزویلا پر مجرمانہ جنگ مسلط کر دی ہے۔ یہ ایک شرمناک اور کھلی دہشت گردی ہے کہ ایک خودمختار ملک کے صدر کو طاقت کے زور پر اس لیے اغوا کیا گیا ہے کہ وہ خطے میں امریکی تسلط کے خلاف آواز بلند کر رہا تھا اور تیل و گیس کی آمدن کو عوام الناس کی بہبود کے لیے استعمال کر رہا تھا۔
انہوں نے مزید کہا کہ امریکا کی جانب سے مسلط کردہ جنگ صرف وینزویلا کے خلاف نہیں بلکہ خطے اور پوری دنیا کے ان تمام ممالک اور عوام کے خلاف کھلی دھمکی ہے جو سامراجی احکامات سے آزاد ہو کر اپنے مستقبل کا آزادانہ تعین کرنا چاہتے ہیں۔ یہ امریکا ہی تھا جس نے عراق پر حملے، اس کے تیل پر قبضے اور وہاں کے عوام کی تباہی کو جواز فراہم کرنے کے لیے ’’کیمیائی ہتھیاروں ‘‘ کا جھوٹ گھڑا تھا، اب وہی امریکا ایک بار پھر نام نہاد ’’منشیات کی اسمگلنگ ‘‘ کے بہانے صدر مادورو کی حکومت کو اسلحہ کے زور پر تبدیل اور دنیا کے سب سے بڑے تیل کے ذخائر رکھنے والے ملک وینزویلا پر قبضہ اور لوٹ مار کو جائز ٹھہرانا چاہتا ہے۔ وہ ایک ایسی حکومت کی سازش تیار کر رہا ہے جو تیل کے ذخائر امریکی کمپنیوں کے حوالے کر دے۔
انہوں نے مزید کہا کہ پاکستان کے محنت کش عوام وینزویلا کے عوام کے ساتھ غیر متزلزل یکجہتی کا اظہار کرتے ہیں، جو اپنی خودمختاری اور سامراجی مداخلت سے آزاد ہو کر اپنے سیاسی اور معاشی راستے کے تعین کے حق کا دفاع کر رہے ہیں۔
نامور ترقی پسند دانشور ڈاکٹر اصغر دشتی نے کہا کہ وینزویلا کے عوام کے خلاف ٹرمپ کی یہ جنگ امریکا نواز نوآبادیاتی نظام مسلط کرنے کی کوشش ہے۔ اس کا مقصد بولیویرین انقلاب کو کچلنا ہے، جس نے امریکا کی حمایت یافتہ اشرافیہ کا تختہ الٹ کر قومی تیل کی دولت عوام کو واپس کی۔ یہ جنگ وینزویلا کے تیل پر ایک بار پھر امریکی کثیر القومی کارپوریشنوں کے قبضے اور سامراجی مفادات کی خدمت کرنے والی کٹھ پتلی حکومت کے قیام کے لیے لڑی جا رہی ہے۔
ہوم بیسڈ وومن ورکرز فیڈریشن پاکستان کی جنرل سیکرٹری کامریڈ زہرا خان نے خیالات کا اظہار کرتے ہوئے کہا کہ یہ جنگ لاطینی امریکا اور کیریبین میں امریکی مداخلت کی خون آشام تاریخ کی تازہ ترین کڑی ہے، جہاں انتخابات میں مداخلت، جمہوری طور پر منتخب حکومتوں کا تختہ الٹنا، چی گویرا سے لے کر ڈاکٹر آلندے تک انقلابی رہنماؤں کا قتل، عوامی تحریکوں کو کچلنا، خونریزی مسلط کرنا اور تباہی پھیلانا معمول رہا ہے۔
مزدور رہنما نے مزید کہا کہ گوئٹے مالا سے چلی تک، گریناڈا سے پاناما تک، امریکی سامراج ’’مونرو ڈاکٹرائن‘‘ کے مطابق لاطینی امریکا کو اپنی ‘‘ذاتی جاگیر’’ سمجھتا ہے، اور ٹرمپ اسی نوآبادیاتی سوچ کو مزید مضبوط کرنا چاہتا ہے جو ہمیشہ محکومی، استحصال اور جبر کی علامت اور خطے کے عوام کی خودمختاری اور حق خود ارادیت کے لیے زہر قاتل ثابت ہوئی ہے۔ انہوں نے برکس ممالک خصوصا چین کی خاموشی نیم رضامندی والی پالیسی کو بھی تنقید کا نشانہ بنایا۔
اجتماع میں مطالبہ کیا گیا کہ وینزویلا پر جنگ مسلط کرنے اور ایک خودمختار ملک کے صدر کے اغوا پر ٹرمپ کے خلاف عالمی عدالتِ انصاف میں مقدمہ چلایا جانا چاہیے، اغوا شدہ صدر نکولس مادورو اور ان کی اہلیہ کو فی الفور رہا کیا جائے۔ ہمارے حکمرانوں کو ٹرمپ جیسے جنگی جنونی اور اغوا جیسے گھناؤنے جرم میں ملوث شخص کو نوبل امن انعام کے لیے نامزد کرنے پر شرمسار ہونا اور عوام سے معافی مانگنی چاہیے۔
احتجاجی اجتماع میں دنیا بھر کی تمام جمہوری اور امن پسند قوتوں سے اپیل کی گئی کہ وہ اس سامراجی جارحیت اور ٹرمپ حکومت کے تحت نوآبادیاتی محکومی کے نئے نظام کو مسلط کرنے کی کوششوں کے خلاف ڈٹ کر کھڑی ہوں۔ احتجاجی مظاہرہ کے نوجوان شرکاء نے امریکی
صدر ٹرمپ کا پتلا بھی جلایا۔
احتجاجی اجتماع میں کامریڈ خالد جونیجو (جئے سندھ محاذ)، حمد بلوچ (نیشنل پارٹی)، کامریڈ گل رحمان (سائٹ لیبر فورم)، ریاض عباسی (نیشنل ٹریڈ یونین فیڈریشن)، صحافی شکیل کانگا، عاقب حسین (آلٹرنیٹ)، اظہر جملخ، واحد بلوچ (دانشور)، حسن فاطمی، سائرہ فیروز( یونائٹیڈ ایچ بی ورکرز یونین ) ، اقبال ابڑو، ہمت علی پھلپوٹو (ٹیکسٹائل ورکرز یونین)، اقصیٰ کنول، رابیل ابڑو، مہرو، شہزاد مغل (آلٹرنیٹ)، ندرت بلند اقبال و وسیم جمال اور دیگر نے بھی اپنے خیالات کا اظہار کیا۔
ویب ڈیسک
گلزار
ذریعہ
ذریعہ: Jasarat News
کلیدی لفظ: وینزویلا کے کے خلاف کے عوام کہا کہ کے لیے
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ