EPWAکے جنرل سیکرٹری کی حسیب جمالی سے ملاقات
اشاعت کی تاریخ: 12th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان اسٹیل ریٹائرڈ مظلوم ملازمین ایکشن کمیٹی اور ای او بی آئی پنشنرز ویلفیئر ایسوسی ایشن رجسٹرڈ EPWA کے جنرل سیکرٹری علمدار رضا نے نو منتخب صدر سندھ ہائی کورٹ بار ایسوسی ایشن بیرسٹر محمد حسیب جمالی سے ان کے چیمبر میں ملاقات اور ان کی کامیابی پر مبارک باد پیش کی۔ انہوں نے امید ظاہر کی کہ وہ تمام اداروں کے ریٹائرڈ مظلوم ملازمین کی حسب سابق رہنمائی فرماتے رہیں گے اور ان کا جائز حق دلانے میں اپنا مثبت کردار ادا کرتے رہیں گے۔بیرسٹر محمد حسیب جمالی نے علمدار رضا اور ان کے ساتھ موجود محمد جعفر جو ہر دور میں ملازمین کو ان کا حق فی سبیل اللہ دلانے میں اپنی خدمات مہیا کرتے ہیں جبکہ غلام سرور قریشی جو بیرسٹر محمد حسیب جمالی کی الیکشن کمپین چلانے میں پیش پیش تھے ان سے ملاقات و مبارک با د دینے کے لیے ان کے چیمبر میں آنے کا شکریہ ادا کرتے ہوئے کہا کہ وہ ریٹائرڈ و حاضر سروس ملازمین کی ہر فورم پر داد رسی کے لیے ہمیشہ موجود ہوں گے۔
ذریعہ
ذریعہ: Jasarat News
کلیدی لفظ: حسیب جمالی
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار