خود کو حساس ادارے کا انسپکٹر ظاہر کرنے والا ملزم گرفتار
اشاعت کی تاریخ: 12th, January 2026 GMT
data-id="863a0a8" data-element_type="widget" data-widget_type="theme-post-content.default">
260112-05-12
میرپورخاص (نمائندہ جسارت) میرپورخاص پولیس نے بڑی کارروائی کرتے ہوئے خود کو حساس ادارے کا اہلکار ظاہر کرنے والے جعلی انسپیکٹر کو گرفتار کرلیا۔ ٹاؤن پولیس نے گزشتہ روز شاہزیب ولد عبدالحمید بھٹی کی فریاد پر تعلقہ سندھڑی کے علاقے پھلاڈیوں کے رہائشی ہمایوں مصطفیٰ گجر کے خلاف مقدمہ درج کرکے اسے گرفتار کیا۔تفصیلات کے مطابق گرفتار ملزم خود کو مبینہ طور پر حساس ادارے کا انسپیکٹر ظاہر کرکے شہریوں کو سرکاری ملازمت دلوانے کے جھانسے میں مبتلا کرتا تھا۔ فریادی شاہزیب بھٹی نے ایف آئی آر میں الزام عائد کیا ہے کہ ملزم نے سرکاری نوکری دلوانے کے عوض اس سے ساڑھے چھ لاکھ روپے سے زائد رقم وصول کی، تاہم نہ تو نوکری دلوائی گئی اور نہ ہی رقم واپس کی گئی فریادی کے مطابق جب اس نے اپنی رقم کی واپسی کے لیے ملزم سے رابطہ کیا تو حیدرآباد روڈ پر واقع ایک نجی ریسٹورنٹ میں ملاقات کے دوران ملزم نے اسے پسٹل دکھا کر جان سے مارنے کی دھمکیاں دیں۔ اس موقع پر ملزم کے ہمراہ دو نامعلوم افراد بھی موجود تھیٹاؤن پولیس کے سب انسپیکٹر اور کیس کے تفتیشی افسر عبدالرشید راجپوت نے گرفتار ملزم کو سول جج اینڈ جوڈیشل مجسٹریٹ ون کی معزز عدالت میں پیش کیا، جہاں عدالت نے ملزم سے مزید تفتیش کے لیے تین روزہ پولیس ریمانڈ منظور کرلیا۔پولیس کے مطابق ملزم سے دورانِ تفتیش مزید انکشافات متوقع ہیں جبکہ اس کے ساتھیوں کی گرفتاری کے لیے بھی کوششیں جاری ہیں۔
ذریعہ
ذریعہ: Jasarat News
پڑھیں:
اوباڑو : تیز آندھی اور بارش کے باعث مختلف حادثات میں 50 کے قریب افراد زخمی
سٹی 42 : اوباڑو اور گردونواح میں تیز آندھی اور بارش کے باعث مختلف حادثات میں 50 کے قریب افراد زخمی ہوگئے ۔
پولیس کے مطابق زخمیوں میں مرد، خواتین اور بچے شامل ہیں، تعلقہ اسپتال میں ایمرجنسی نافذ کردی گئی ہے۔ اسسٹنٹ کمشنر اوباڑو کی ہدایت پر اسپتال کے تمام عملے کو الرٹ کر دیا گیا۔
اسپتال ذرائع کے مطابق بعض زخمیوں کی حالت تشویشناک بتائی جا رہی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
اسسٹنٹ کمشنر صحیب الاہی کا کہنا ہےکہ شدید آندھی کے باعث مختلف علاقوں میں حادثات پیش آئے، زخمیوں کو فوری طبی امداد فراہم کی جا رہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے