گرین لینڈ کے مستقبل کے حوالے سے ڈنمارک فیصلہ کن مرحلے سے گزر رہا ہے، ڈینشن وزیراعظم فریڈرکسن
اشاعت کی تاریخ: 12th, January 2026 GMT
ڈنمارک کی وزیرِاعظم میٹے فریڈرکسن نے کہا ہے کہ گرین لینڈ کے مستقبل کے حوالے سے ان کا ملک ایک ‘فیصلہ کن لمحے’ سے گزر رہا ہے، جب امریکی صدر ڈونلڈ ٹرمپ نے ایک بار پھر آرکٹک خطے میں واقع اس خود مختار علاقے پر طاقت کے ذریعے قبضے کی دھمکی دی ہے۔
واشنگٹن میں ہونے والی ملاقاتوں سے قبل، جہاں اہم خام معدنیات پر عالمی مقابلے پر بات چیت متوقع ہے، فریڈرکسن نے کہا کہ گرین لینڈ پر ایک تنازع موجود ہے اور اس کے اثرات محض اس علاقے کے مستقبل تک محدود نہیں ہوں گے۔
یہ بھی پڑھیے: ’پہلے گولی بعد میں بات‘، ڈنمارک کی امریکا کو سخت وارننگ
ڈنمارک کے دیگر سیاسی رہنماؤں کے ساتھ ایک مباحثے میں انہوں نے کہا کہ یہ ایک فیصلہ کن مرحلہ ہے۔ فریڈرکسن نے فیس بک پر اپنے بیان میں کہا کہ ڈنمارک ‘اپنی اقدار کے دفاع کے لیے تیار ہے، جہاں بھی ضرورت ہو حتیٰ کہ آرکٹک میں بھی’۔ انہوں نے واضح کیا کہ ڈنمارک بین الاقوامی قانون اور عوام کے حقِ خود ارادیت پر یقین رکھتا ہے۔
جرمنی اور سویڈن نے بھی ٹرمپ کے تازہ دعوؤں کے خلاف ڈنمارک کی حمایت کا اعلان کیا ہے۔ سویڈن کے وزیرِاعظم اُلف کرسٹرسن نے امریکی ‘دھمکی آمیز بیانات’ کی مذمت کرتے ہوئے کہا کہ امریکا کا گرین لینڈ پر قبضہ بین الاقوامی قانون کی خلاف ورزی ہوگا اور اس سے دیگر ممالک کو بھی ایسے اقدامات کی ترغیب مل سکتی ہے۔
یہ بھی پڑھیے: ’ٹرمپ نے گرین لینڈ پر ممکنہ فوجی حملے کی منصوبہ بندی کا حکم دے دیا؟‘
کرسٹرسن نے ایک دفاعی کانفرنس میں کہا کہ سویڈن، دیگر نورڈک ممالک، بالٹک ریاستیں اور کئی بڑے یورپی ممالک ڈنمارک کے ساتھ کھڑے ہیں۔
جرمنی نے بھی واشنگٹن میں ہونے والی بات چیت سے قبل ڈنمارک اور گرین لینڈ کی حمایت دہرائی۔ جرمن وزیرِ خارجہ جوہان ویڈہپل نے آئس لینڈ میں گفتگو کے دوران کہا کہ آرکٹک کی سلامتی نیٹو کے مشترکہ مفادات کا حصہ بنتی جا رہی ہے۔
برطانوی اخبار ٹیلی گراف کے مطابق، برطانیہ اور دیگر یورپی ممالک کے فوجی حکام گرین لینڈ کے لیے ممکنہ نیٹو مشن پر ابتدائی منصوبہ بندی کر رہے ہیں، جس میں روس اور چین کے خطرات کے پیش نظر فوجی دستے، جنگی جہاز اور طیارے تعینات کرنے کی تجاویز شامل ہو سکتی ہیں۔
برطانیہ کی وزیرِ ٹرانسپورٹ ہیڈی الیگزینڈر نے کہا کہ آرکٹک میں روسی صدر ولادیمیر پیوٹن کو روکنے کے لیے اتحادی ممالک کے درمیان مشاورت معمول کی بات ہے کیونکہ یہ خطہ تیزی سے جغرافیائی سیاست کا مرکز بنتا جا رہا ہے۔
یہ بھی پڑھیے: کوئی ہمیں حکم نہیں دے سکتا کہ کیا کرنا ہے، کیوبن صدر کا ٹرمپ کی دھمکی پر سخت ردعمل
بیلجیئم کے وزیرِ دفاع تھیو فرانکن نے بھی نیٹو پر زور دیا کہ وہ آرکٹک میں امریکی سلامتی خدشات کے پیش نظر ایک آپریشن شروع کرے اور اتحاد و طاقت کا مظاہرہ کرے۔ انہوں نے ‘آرکٹک سینٹری’ جیسے آپریشن کی تجویز دی، جس میں ڈرونز، سینسرز اور مشترکہ نگرانی شامل ہو۔
امریکی صدر ٹرمپ کا کہنا ہے کہ روس اور چین کی بڑھتی ہوئی فوجی سرگرمیوں کے باعث گرین لینڈ پر کنٹرول امریکی قومی سلامتی کے لیے ضروری ہے۔ تاہم، گرین لینڈ جو 1953 تک ڈنمارک کی نوآبادی تھا اور بعد ازاں اسے خود اختیاری ملی، وہاں کی عوامی رائے امریکی قبضے کی سخت مخالفت کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ڈنمارک ڈونلڈ ٹرمپ گرین لینڈ.
ذریعہ
ذریعہ: WE News
کلیدی لفظ: امریکا ڈونلڈ ٹرمپ گرین لینڈ گرین لینڈ پر ڈنمارک کی نے کہا کہا کہ کے لیے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار