’آپریشن سندور پر آپ ویڈیو بنانے میں جلدی کرگئے‘، پاکستانی کے سوال پر دھرو راٹھی لاجواب ہوگئے
اشاعت کی تاریخ: 12th, January 2026 GMT
معروف بھارتی یوٹیوبر اور سوشل میڈیا تجزیہ کار دھرو راٹھی نے حال ہی میں ایک سوال کے جواب میں وضاحت پیش کی ہے جس میں ان سے آپریشن سندور کے بعد بنائی گئی ایک ویڈیو سے متعلق تحقیق پر سوال اٹھایا گیا تھا جس نے انہیں لاجواب کر دیا۔
ایک پاکستانی یوٹیوبر نے دھرو راٹھی سے سوال کیا کہ آپریشن سندور کے بعد آپ کی جانب سے ایک ویڈیو جاری کی گئی تھی جس میں تمام حوالہ جات انڈین میڈیا سے لیے گئے تھے اور اس میں یہ دعویٰ بھی شامل تھا کہ کراچی بندرگاہ پر قبضہ کر لیا گیا ہے تو کیا آپ نے یہ ویڈیو جلدی میں بنائی تھی؟
Pakistani YouTuber Soban Tariq (@theletsuncover) questioned famous Indian YouTuber Dhruv Rathee over his video released after Operation Sindoor, despite praising Rathee’s research and stating that Pakistani audiences value his content.
— Ali Ahsan (@Extra_Muan) January 11, 2026
اس سوال کےجواب میں دھرو راٹھی نے کہا کہ میں انڈین میڈیا پر تنقید کرتا ہوں اور خاص طور پر نیوز چینلز کو تنیقد کا نشانہ بناتا ہوں لیکن اس کا مطلب یہ نہیں کہ جو اخباروں میں پرنٹ ہو رہا ہے وہ بھی غلط ہے۔ ان کا کہنا تھا کہ ایسا نہیں ہے کہ کسی بھی چیز پر بھروسہ نہیں کیا جا سکتا کہ وہ کیوں کہہ رہے ہیں۔
یہ بھی پڑھیں: پاکستانی شہروں پر قبضے سے متعلق بھارتی میڈیا کا پروپیگنڈا، مگر حقیقت کیا ہے؟
واضح رہے کہ پاک بھارت کشیدگی کے دوران بھارتی میڈیا کی جانب سے منفی اور اشتعال انگیز پروپیگنڈا سامنے آیا تھا۔ متعدد بھارتی نیوز چینلز نے یہ دعوے کیے کہ بھارت نے کراچی بندرگاہ اور کراچی ایئرپورٹ کو نشانہ بنایا ہے جبکہ لاہور کے حوالے سے بھی یہ خبریں نشر کی گئیں کہ وہاں جنگ چھڑ چکی ہے اور بھارت نے شہر پر قبضہ کر لیا ہے۔
اسی طرح بھارتی میڈیا نے اسلام آباد، کراچی، فیصل آباد، سیالکوٹ اور دیگر پاکستانی شہروں پر قبضے کے دعوے بھی کیے تاہم بعد ازاں یہ تمام دعوے بے بنیاد، من گھڑت اور حقائق کے برعکس ثابت ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن سندور بھارتی میڈیا دھرو راٹھی دھرو راٹھی لاجواب کراچی پر قبضہ
ذریعہ
ذریعہ: WE News
کلیدی لفظ: بھارتی میڈیا دھرو راٹھی دھرو راٹھی لاجواب کراچی پر قبضہ بھارتی میڈیا دھرو راٹھی
پڑھیں:
لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ
پنجاب میں بارشوں کے بعد لاہور کے ڈی ایچ اے میں بھی گھٹنوں گھٹنوں پانی کھڑا ہوگیا۔ رابی پیرزادہ نے بھی اپنے گھر کے قریب کھڑے پانی کی ویڈیو بناتے ہوئے وزیراعلیٰ پنجاب مریم نواز سے شکوہ کر ڈالا۔
رابی پیرزادہ نے اپنے فیس بک پیج پر بارش کے بعد کھڑے ہوئے پانی کی ایک ویڈیو شیئر کی ہے جس کا کیپشن ’’بارش کے بعد لاہور کی صورت حال اور مریم نواز کا ستھرا پنجاب‘‘ دیا ہے۔ اور ویڈیو پر لکھا ہے ’’مریم نواز صاحبہ، دیکھیں لاہور کے ساتھ کیا ہورہا ہے‘‘۔
رابی پیرزادہ نے وزیراعلیٰ پنجاب کو مخاطب کرتے ہوئے کہا ’’مریم نواز صاحبہ! یہ میں اپنے گھر میں کھڑی ہوں، جو کہ لاہور کے مہنگے ترین علاقے میں آتا ہے، یہ ڈی ایچ اے فیز ون ہے۔ میرے آفس ، میرے اسکول کے اندر بہت نقصان ہوا ہے۔ وہ شعیب صاحب جن سے آپ ساری انفارمیشن لیتی ہیں وہ پتا نہیں کس علاقے میں رہتے ہیں۔ ڈی ایچ اے کا حال بہت خراب ہے۔ مجھے نہیں پتا وہ 960 گاڑیاں کہاں کام کررہی ہیں۔‘‘
https://www.facebook.com/RabiPirzadaMusic/videos/%D8%A8%D8%A7%D8%B1%D8%B4-%DA%A9%DB%92-%D8%A8%D8%B9%D8%AF-%D9%84%D8%A7%DB%81%D9%88%D8%B1-%DA%A9%DB%8C-%D8%B5%D9%88%D8%B1%D8%AA-%D8%AD%D8%A7%D9%84-%D8%A7%D9%88%D8%B1-%D9%85%D8%B1%DB%8C%D9%85-%D9%86%D9%88%D8%A7%D8%B2-%DA%A9%D8%A7-%D8%B3%D8%AA%DA%BE%D8%B1%D8%A7-%D9%BE%D9%86%D8%AC%D8%A7%D8%A8lahore-rain-suthrapunj/1344354571218376/رابی پیرزادہ نے بارش کے بعد علاقے کی زبوں حالی کا شکوہ کیا۔ بعد ازاں ویڈیو کے کمنٹس میں لکھا ’’یہ ویڈیو ڈی ایچ اے میں ضرور ریکارڈ ہوئی ہے، مگر بارش کے بعد تقریباً پورے لاہور کا یہی حال ہے۔ اس ویڈیو کا مقصد کسی مخصوص علاقے یا ادارے پر تنقید کرنا نہیں، بلکہ اربابِ اختیار تک عوام کی مشکلات پہنچانا ہے تاکہ بروقت اور مؤثر اقدامات کیے جا سکیں۔‘‘
رابی پیرزادہ کی یہ ویڈیو سوشل میڈیا پر وائرل ہوگئی۔ تاہم کئی صارفین نے کمنٹ کیا کہ شدید بارش کے بعد پانی کا کھڑا ہونا عام بات ہے، جو کہ فوری نہیں نکالا جاسکتا۔ لیکن چند گھنٹوں بعد پانی کی نکاسی کردی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار