ٹرمپ پر ہنسنے والی ڈینش پارلیمنٹ؟ وائرل ویڈیو کی حقیقت سامنے آگئی
اشاعت کی تاریخ: 12th, January 2026 GMT
کوپن ہیگن: سوشل میڈیا پر وائرل ہونے والی ایک ویڈیو میں دعویٰ کیا گیا تھا کہ ڈنمارک کی وزیر اعظم میٹے فریڈرکسن اور ڈینش پارلیمنٹ امریکی صدر ڈونلڈ ٹرمپ کے گرین لینڈ سے متعلق بیان پر ہنس رہے ہیں۔
بین الاقوامی فیکٹ چیکنگ اداروں کے مطابق وائرل ویڈیو میں دکھایا گیا پارلیمنٹ کا منظر حقیقی ضرور ہے، تاہم اسے امریکی صدر کے حالیہ بیان کے ساتھ جوڑ کر غلط تاثر دیا گیا۔
ویڈیو میں شامل آڈیو صدر ٹرمپ کی 4 مارچ 2025 کو امریکی کانگریس سے خطاب کی ہے، جس میں انہوں نے گرین لینڈ کو امریکا کے لیے قومی اور عالمی سلامتی کے تناظر میں اہم قرار دیا تھا۔
تحقیق کے مطابق ڈینش پارلیمنٹ کی ہنسی والی ویڈیو اکتوبر 2019 کی ہے، جب وزیر اعظم میٹے فریڈرکسن ایک اجلاس کے دوران سرکس کے چار ہاتھیوں کو بچانے کے حکومتی اقدام پر گفتگو کر رہی تھیں۔ ہاتھیوں کے نام لیتے ہوئے ایک نام پر انہیں ہنسی آگئی، جس پر پورا ایوان قہقہوں میں بدل گیا۔
وائرل ویڈیو دراصل اسی پرانے فوٹیج کو حالیہ آڈیو کے ساتھ ایڈٹ کرکے بنایا گیا تھا۔ بعد ازاں ویڈیو بنانے والے ٹک ٹاک اکاؤنٹ نے اعتراف کیا کہ یہ مواد طنز اور مزاح کے طور پر تیار کیا گیا تھا، تاہم بہت سے صارفین نے اسے حقیقت سمجھ لیا۔
https://www.facebook.com/reel/1372153804690357/
واضح رہے کہ گرین لینڈ ڈنمارک کا خودمختار علاقہ ہے اور وہاں کی قیادت اور عوام ماضی میں بھی امریکی صدر ٹرمپ کی جانب سے گرین لینڈ کو خریدنے کے تصور کو مسترد کر چکے ہیں۔
حالیہ دنوں میں وزیر اعظم میٹے فریڈرکسن نے واضح طور پر کہا کہ کسی ملک کو دوسرے ملک کے علاقے پر قبضہ کرنے کا کوئی حق حاصل نہیں۔
ذریعہ
ذریعہ: Express News
کلیدی لفظ: گرین لینڈ
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا