کراچی میں پولیس مقابلہ، لیاری گینگ وار کا بھتہ خور ہلاک
اشاعت کی تاریخ: 12th, January 2026 GMT
بھتہ خوری اور فائرنگ کی درجنوں وارداتوں میں ملوث ایک خطرناک جرائم پیشہ ملزم رات گئے ڈسٹرکٹ سٹی کے علاقے کھارادر میں پولیس مقابلے کے دوران ہلاک ہو گیا۔
تفصیلات کے مطابق کھارادر پولیس معمول کی پیٹرولنگ پر تھی کہ لیاری گینگ وار سے تعلق رکھنے والے ملزمان نے پولیس پر فائرنگ شروع کر دی۔ فائرنگ کے تبادلے میں ایک ملزم موقع پر ہلاک ہو گیا جبکہ اس کا ساتھی فرار ہونے میں کامیاب ہو گیا۔ ہلاک ملزم کی شناخت شاہزیب کے نام سے ہوئی ہے جو لیاری گینگ وار کے جمیل چھانگا گروپ کا سرگرم بھتہ خور تھا۔
یہ بھی پڑھیے: اسلام آباد پولیس کے زیر حراست 2 ملزمان ساتھیوں کی فائرنگ سے زخمی
پولیس کے مطابق ملزم کے قبضے سے بھتہ کی پرچی، ایک موبائل فون اور ایک پستول بمعہ راؤنڈز برآمد ہوئے۔ ابتدائی تفتیش میں انکشاف ہوا ہے کہ 7 روز قبل جیلانی سینٹر کے ایک تاجر کو بھتہ کا میسج موصول ہوا تھا اور ملزم اسی تاجر کو بھتہ کی پرچی دینے آ رہا تھا۔
پولیس کا کہنا ہے کہ ہلاک ملزم نے 2 ماہ قبل کھارادر میں زیر تعمیر عمارت کے بلڈر کو بھتہ کی پرچی دی تھی اور فائرنگ کر کے مزدوروں کو زخمی کیا تھا، جبکہ چند ماہ قبل اپنے ساتھیوں کے ہمراہ علاقے میں وال چاکنگ اور ہوائی فائرنگ کی وارداتوں میں بھی ملوث رہا۔
ایس ایس پی سٹی عارف عزیز کے مطابق ہلاک ملزم کا طویل کریمنل ریکارڈ موجود ہے، جس میں بھتہ خوری، ڈکیتی، اسلحہ ایکٹ اور انسداد دہشت گردی ایکٹ کے تحت مختلف تھانوں میں متعدد مقدمات درج تھے۔
یہ بھی پڑھیے: امریکا: 37 سالہ خاتون کو گولی مارنے والے پولیس اہلکار کا نام سامنے آگیا
ادھر وزیر داخلہ سندھ ضیاء الحسن لنجار نے کامیاب کارروائی پر ایس ایس پی سٹی اور پولیس ٹیم کو شاباش دیتے ہوئے کہا کہ جرائم کے خلاف پولیس کی مؤثر کارکردگی سے عوام کے اعتماد میں مزید اضافہ ہوگا۔ انہوں نے واضح کیا کہ سندھ کی سرزمین پر بھتہ خوروں، ڈاکوؤں اور جرائم پیشہ گروہوں کو پنپنے نہیں دیا جائے گا۔
وزیر داخلہ سندھ نے جرائم پیشہ عناصر کو خبردار کرتے ہوئے کہا کہ پولیس ان کے مکمل خاتمے تک تعاقب جاری رکھے گی، جبکہ کریک ڈاؤن، چھاپوں اور انٹیلی جنس بیسڈ آپریشنز کو مزید تیز کرنے کی ہدایات بھی جاری کی گئی ہیں۔
پولیس کے مطابق فرار ملزم کی گرفتاری کے لیے چھاپے مارے جا رہے ہیں، جبکہ قانونی کارروائی کا عمل جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھتہ خوری پولیس پولیس مقابلہ کراچی کھارادر.
ذریعہ
ذریعہ: WE News
کلیدی لفظ: بھتہ خوری پولیس پولیس مقابلہ کراچی کھارادر کے مطابق
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار