اسلام آباد میں گیس سلینڈر دھماکے کی ابتدائی تحقیقات مکمل
اشاعت کی تاریخ: 12th, January 2026 GMT
فوٹو: اسکرین گریب
اسلام آباد کے علاقے سیکٹر جی سیون ٹو میں گیس لیکیج دھماکے کی ابتدائی تحقیقاتی رپورٹ مکمل کرلی گئی ہے جس کے مطابق دھماکا بظاہر گیس لیکج کے باعث ہوا۔
ذرائع کے مطابق ابتدائی تحقیقاتی رپورٹ میں کہا گیا ہے کہ دھماکے میں 3 مکان مکمل طور پر زمین بوس ہوگئے اور 2 مکانوں کو نقصان پہنچا۔
ذرئع کے مطابق حادثے میں 8 افراد جاں بحق ہوئے، 2 زخمیوں کو سی ڈی اے اسپتال جبکہ 6 کو پمز منتقل کیا گیا، زیادہ تر لوگ ملبے تلے دبنے اور جھلسنے سے فوت ہوئے۔
پولیس کے مطابق لاشیں اور زخمیوں کو اسپتال منتقل کردیا گیا ہے جہاں کچھ زخمیوں کی حالت تشویش ناک ہے۔
ذرائع کے مطابق جائے وقوعہ سے گیس پائپ لائن، گیس کنکشنز کے سیمپل اکٹھے کرلیے گئے، صبح 7 بجکر 19 منٹ پر واقعہ پیش آیا جبکہ 7:37 پر پولیس ریسکیو ٹیم پہنچ چکی تھی۔
ذرائع کا بتانا ہے کہ گلی تنگ ہونے کی وجہ سے مشینری کو جائے وقوعہ پر پہنچنے میں دشواری کا سامنا رہا، متاثرین کو ابتدائی ریسکیو علاقہ مکینوں نے کیا بعد میں ریسکیو ٹیموں نے آپریشن مکمل کیا۔
ذرائع کے مطابق ابتدائی رپورٹ میں کہا گیا کہ گیس کس جگہ جمع ہوئی اور اسے آگ لگنے کا سبب کیا تھا اس کا تعین کیا جارہا ہے، پولیس اور ریسکیو ادارے فوری طور پر جائے وقوعہ کو سیل کردیا تاکہ ثبوتوں کے ساتھ چھیڑ چھاڑ نہ ہو۔
دھماکے کی شدت اور نوعیت جاننے کے لیے ملبے سے نمونے اور کیمیائی اثرات جمع کیے گئے ہیں، مزید حادثات سے بچنے کے لیے علاقے کی گیس اور بجلی عارضی طور پر منقطع کردی گئی۔
ذرائع کے مطابق واقعے کی مزید تحقیقات ضلعی انتظامیہ، پولیس، فرانزک ٹیمیں اور گیس کمپنیاں مل کر کریں گی۔
دوسری جانب وزیراعظم شہباز شریف کی ہدایت پر تحقیقات کے لیے انکوائری کمیٹی قائم کی گئی ہے۔
وزارت داخلہ کی سربراہی میں اعلیٰ سطح کی 5 رکنی انکوائری کمیٹی میں ایڈیشنل سیکریٹری داخلہ، ایڈیشنل ڈپٹی کمشنر، آئی بی، جی ایچ کیو اور ایمرجنسی سروسز کے نمائندے شامل ہیں۔
انکوائری کمیٹی کو 48 گھنٹوں میں رپورٹ جمع کروانے کی ہدایت کی گئی ہے۔واقعے کی وجوہات اور محکموں کے ردعمل کا تفصیلی جائزہ لیا جائے گا۔
ذرائع کے مطابق غفلت یا کوتاہی ثابت ہونے پر ذمہ داری کے تعین کی ہدایت کی گئی ہے، کمیٹی سے مستقبل میں ایسے حادثات کی روک تھام کے لیے سفارشات بھی طلب کی گئی ہیں۔
واضح رہے کہ گزشتہ روز وفاقی دارالحکومت کے سیکٹر جی سیون ٹو میں شادی والے گھر میں گیس سلینڈر کے دھماکے میں ایک ہی خاندان کے 6 جبکہ مجموعی طور پر 8 افراد جاں بحق ہوئے۔
حادثے میں 11 افراد زخمی بھی ہوئے تھے۔ نو بیاہتا جوڑے سمیت 6 افراد کی آخری رسومات گزشتہ روز ادا کی گئی تھیں۔
دھماکے کی آواز دور دور تک سنی گئی، دھماکے سے 3 گھروں کی چھتیں گر گئیں جبکہ دو ملحقہ گھروں کی دیواروں میں دراڑیں پڑ گئیں۔
.
ذریعہ
ذریعہ: Jang News
کلیدی لفظ: ذرائع کے مطابق دھماکے کی گئی ہے کے لیے کی گئی
پڑھیں:
آزاد کشمیر مہاجرین نشستوں کے معاملے پر وفاقی حکومت نرم
ذرائع کے مطابق وفاقی حکومت مہاجرین کی نشستیں مکمل طور پر ختم کرنے کے بجائے ان کی تعداد کم کرنے کی تجویز پر غور کر رہی ہے۔ اسلام ٹائمز۔ آزاد جموں و کشمیر قانون ساز اسمبلی میں مہاجرین کی مخصوص نشستوں کے معاملے پر وفاقی حکومت نے اہم پیش رفت کرتے ہوئے جوائنٹ ایکشن کمیٹی کے بڑے مطالبے کو تسلیم کرنے پر آمادگی ظاہر کر دی ہے۔ ذرائع کے مطابق وفاقی حکومت مہاجرین کی نشستیں مکمل طور پر ختم کرنے کے بجائے ان کی تعداد کم کرنے کی تجویز پر غور کر رہی ہے۔ ذرائع کا کہنا ہے کہ وفاقی حکومت نے مہاجرین کی نشستوں میں کمی سے متعلق اپنا مؤقف آزاد کشمیر حکومت تک پہنچا دیا ہے، جبکہ وزیراعظم آزاد کشمیر جلد جوائنٹ ایکشن کمیٹی سے رابطہ کر کے وفاقی حکومت کے پیغام سے آگاہ کریں گے۔ حکومتی ذرائع کے مطابق وفاق کی جانب سے ویلی کی نشستوں میں اضافے اور مہاجرین کی نشستوں میں کمی کی تجویز زیر غور ہے، جس کا مقصد نمائندگی کے موجودہ تناسب میں توازن پیدا کرنا ہے۔
دوسری جانب اس معاملے پر سیاسی سرگرمیاں بھی تیز ہو گئی ہیں اور کل ہونے والی کل جماعتی کانفرنس کے اجلاس میں اہم فیصلوں اور مشترکہ لائحہ عمل کے اعلان کا امکان ظاہر کیا جا رہا ہے۔ سیاسی مبصرین کے مطابق مہاجرین اور ویلی نشستوں کے تناسب سے متعلق کسی بھی فیصلے کے آزاد کشمیر کی سیاسی ساخت اور انتخابی نظام پر دور رس اثرات مرتب ہو سکتے ہیں، جس کے باعث تمام متعلقہ حلقے صورتحال پر گہری نظر رکھے ہوئے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ