مفت سولر سسٹم کے ساتھ انورٹر اور بیٹری ! عوام کے لئے بڑی خبر
اشاعت کی تاریخ: 12th, January 2026 GMT
ویب ڈیسک: عوام کے لئے مفت یا آسان اقساط پر سولر سسٹم کی فراہمی کے حوالے سے بڑی خبر آگئی، جس میں انورٹر اور دیگر ضروری آلات شامل ہوں گے۔
تفصیلات کے مطابق خیبرپختونخوا حکومت نے ضم اضلاع میں 1 لاکھ 20 ہزار مستحق گھرانوں کو مفت یا آسان اقساط پر سولر سسٹم فراہم کرنے کا فیصلہ کیا ہے۔
ہر گھر کو 2 کلو واٹ سولر سسٹم دیا جائے گا، جس میں انورٹر اور دیگر ضروری آلات شامل ہوں گے۔
بھارت کا بڑا کرکٹر زخمی ، نیوزی لینڈ سیریز سے آؤٹ،متبادل کون؟
اسکیم کے تحت فی سولر سسٹم کی لاگت 2 لاکھ 55 ہزار سے 3 لاکھ روپے تک متوقع ہے اور مجموعی طور پر منصوبے پر 13 ارب روپے خرچ ہوں گے، جو حکومت فراہم کرے گی۔
سولر منصوبہ باجوڑ، خیبر، کرم، اورکزئی، مہمند، شمالی اور جنوبی وزیرستان میں نافذ کیا جائے گا اور اسے بینک آف خیبر کے فنانشل ماڈل کے تحت مکمل کیا جائے گا۔
حکومت نے سولر سسٹم کی قیمت قابلِ واپسی یا ناقابلِ واپسی رکھنے کے دو آپشنز تجویز کئے ہیں، قابلِ واپسی صورت میں صارف 36ماہ میں تقریباً 8 ہزار 300 روپےماہانہ ادا کرے گا اور ناقابلِ واپسی صورت میں صارف سے کوئی رقم وصول نہیں کی جائے گی۔
پاکستان سے سفر کرنیوالے مسافروں کیلئے خوشخبری
سولر اسکیم کیلئے مستحقین کا انتخاب خیبرپختونخوا حکومت کرے گی اور وینڈرز کا انتخاب بینک آف خیبر جبکہ تکنیکی معاونت پیڈو فراہم کرے گا۔
ذریعہ
ذریعہ: City 42
کلیدی لفظ: سولر سسٹم
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار