ایلون مسک کی کمپنی ایران میں انٹرنیٹ بحال کرنے میں مدد دے سکتی ہے، ڈونلڈ ٹرمپ
اشاعت کی تاریخ: 12th, January 2026 GMT
امریکی صدر ڈونلڈ ٹرمپ کا کہنا ہے کہ ایلون مسک کی سیٹلائٹ انٹرنیٹ سروس اسٹارلنک ایران میں انٹرنیٹ کی بحالی میں اہم کردار ادا کر سکتی ہے۔
یہ بھی پڑھیں: جہاز پر اسٹار لنک فری وائی فائی کی سروس شروع، کتنا تیز انٹرنیٹ میسر ہوگا؟
خبر رساں ادارے رائٹرز کے مطابق امریکی صدر ٹرمپ نے انکشاف کیا ہے کہ وہ ایران میں جاری انٹرنیٹ بلیک آؤٹ کے تناظر میں ایلون مسک سے اس معاملے پر بات کرنے کا ارادہ رکھتے ہیں تاکہ ایرانی عوام بالخصوص حکومت مخالف مظاہرین کو انٹرنیٹ سہولت فراہم کی جا سکے۔
صدر ٹرمپ نے اتوار 11 جنوری کو بتایا کہ وہ دنیا کے امیر ترین شخص ایلون مسک سے ایرانی عوام کے لیے انٹرنیٹ کی فراہمی پر گفتگو کریں گے۔
جب صحافیوں نے امریکی صدر سے سوال کیا کہ آیا وہ مسک کی کمپنی اسپیس ایکس کے ذریعے ایران میں انٹرنیٹ سروس فراہم کرنے پر غور کریں گے تو ٹرمپ نے کہ وہ اس طرح کے کام میں بہت ماہر ہیں ان کی ایک بہترین کمپنی ہے۔
ایران میں گزشتہ جمعرات سے انٹرنیٹ کی فراہمی شدید متاثر ہے۔ یہ بلیک آؤٹ سنہ 2022 کے بعد سے حکومت کے خلاف ہونے والے سب سے بڑے مظاہروں کے دوران سامنے آیا ہے۔
ایلون مسک اور ڈونلڈ ٹرمپ کے تعلقات ماضی میں اتار چڑھاؤ کا شکار رہے ہیں۔ مسک نے ٹرمپ کی صدارتی مہم کی مالی مدد کی تھی جس کے بعد ٹرمپ انتظامیہ میں وفاقی حکومت کے اخراجات میں بڑی کٹوتیاں کی گئیں۔
مزید پڑھیے: اسپیس ایکس کا ایک اور کامیاب مشن، 29 اسٹار لنک سیٹلائٹس خلا میں روانہ
تاحال اسپیس ایکس کے مالک ایلون مسک نے امریکی صدر کے حالیہ بیان پر کوئی ردعمل نہیں دیا۔ تاہم یہ بات قابل ذکر ہے کہ سنہ 2022 میں بھی ایلون مسک ایرانی عوام کو حکومتی پابندیوں سے بچنے میں مدد دینے کے لیے اسٹارلنک فراہم کرنے کی حمایت کر چکے ہیں۔
سنہ2022 میں، مہسا امینی کی پولیس حراست میں ہلاکت کے بعد ایران بھر میں احتجاجی مظاہرے شروع ہوئے تھے جس کے بعد اس وقت کی بائیڈن انتظامیہ نے بھی ایران میں اسٹارلنک کی فراہمی کے لیے ایلون مسک سے رابطہ کیا تھا۔
اسٹارلنک سروس اس سے قبل بھی تنازعات اور بدامنی کا شکار علاقوں میں استعمال ہو چکی ہے جن میں یوکرین بھی شامل ہے جہاں سنہ 2022 میں ایک اہم فوجی کارروائی کے دوران مسک نے عارضی طور پر اسٹارلنک سروس بند کرنے کا حکم دیا تھا۔
مزید پڑھیں: پاکستان میں اسٹار لنک کی سروسز شروع ہونے میں کتنا وقت درکار ہے؟
ایران میں موجودہ احتجاج 28 دسمبر کو مہنگائی میں اضافے کے خلاف شروع ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹار لنک امریکی صدر ڈونلڈ ٹرمپ ایران ایلون مسک.
ذریعہ
ذریعہ: WE News
کلیدی لفظ: اسٹار لنک امریکی صدر ڈونلڈ ٹرمپ ایران ایلون مسک ڈونلڈ ٹرمپ امریکی صدر ایلون مسک ایران میں اسٹار لنک کے بعد کے لیے
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان