مری میں متوقع برفباری کے پیش نظر ’’مشن سیف ونٹر‘‘ کا آغاز
اشاعت کی تاریخ: 12th, January 2026 GMT
مری (نیوزڈیسک) ملکہ کوہسار مری میں رواں ہفتے متوقع برفباری کے پیش نظر’’مشن سیف ونٹر‘‘کا آغاز کر دیا گیا، سیاحوں کی حفاظت کے لیے فول پروف ’’ڈیجیٹل اور فیلڈ حصار‘‘ قائم کردیا گیا ، سیاحوں سے برفباری کے دوران غیرضروری سفر سے گریز کی اپیل بھی کی گئی ہے ۔
ضلعی انتظامیہ اور پولیس حکام نے مری میں 17 سے 21 جنوری تک پوری فورس کو ہائی الرٹ رہنے کا حکم دیا ہے ، ممکنہ شدید برفباری کے پیش نظر اضافی نفری طلب کر لی گئی ، سینئر افسران فیلڈ میں موجود ہوں گے ، سیف سٹی کیمروں کے ذریعے حساس سڑکوں کی ریئل ٹائم نگرانی کا نظام فعال کردیا گیا ۔
پولیس حکام کا کہنا ہے مری کا سفر جدید مانیٹرنگ اور رسپانس سسٹم کے سائے میں محفوظ ہوگا،ڈھلوانی سڑکوں اور لینڈ سلائیڈ والے علاقوں میں پولیس گشت مؤثر بنا دیا گیا ہے ۔ گاڑی کھڑی ہونے کی صورت میں ایک کھڑکی کھلی رکھیں تاکہ آکسیجن کم نہ ہو ، سیاح ایمرجنسی صورتحال میں فوری مدد کے لیے ون فائیؤ پر رابطہ کریں ۔
.
ذریعہ
ذریعہ: Daily Mumtaz
کلیدی لفظ: برفباری کے
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار