نورزمان اسکواش کے ٹاپ 30 کھلاڑیوں میں شامل، خواتین سمیت دیگر پاکستانی کھلاڑیوں کی رینکنگ میں بھی اضافہ
اشاعت کی تاریخ: 12th, January 2026 GMT
پاکستانی کھلاڑی نور زمان نے گزشتہ ہفتے کراچی اوپن میں شاندار کھیل پیش کرنے کے بعد عالمی اسکواش رینکنگ میں ٹاپ 30 میں جگہ بنالیتے ہوئے اپنے کیریئر کی بہترین رینکنگ حاصل کرلی۔
یہ بھی پڑھیں: کراچی اوپن: نور زمان کوارٹر فائنل ہارگئے لیکن شائقین کا دل جیت لیا
نور نے پروفیشنل اسکواش ایسوسی ایشن کی رینکنگ میں عالمی نمبر 30 تک رسائی حاصل کی، جبکہ ان کی پچھلی بہترین رینکنگ 37 تھی جو انہوں نے 27 اکتوبر 2025 کو حاصل کی تھی۔
21سالہ نور نے کراچی اوپن کے کوارٹر فائنل میں سابق عالمی چیمپیئن محمد الشرباجی کے ساتھ سخت مقابلہ کیا اور 5 زبردست گیمز کے بعد 3-2 سے ہارے جس کے ساتھ پاکستان کا کراچی اوپن کا ٹورنامنٹ میں سفر بھی تمام ہوگیا تھا۔
نور جو گزشتہ سال انڈر 23 عالمی چیمپیئن تھے 5 گیمز کے طویل مقابلوں میں ماہر ہیں۔
سابق عالمی نمبر ایک الشرباجی نے نور کو دنیا کے سب سے مرکوز کھلاڑیوں میں سے ایک قرار دیتے ہوئے کہا تھا کہ پاکستان کے لیے یہ خوشی کی بات ہے کہ ایک نوجوان کھلاڑی ابھر رہا ہے۔
مزید پڑھیے: کراچی اوپن اسکواش: پہلا دن پاکستانی کھلاڑیوں کے نام رہا
دریں اثنا پاکستانی کھلاڑی اشاب عرفان نے بھی پی ایس اے رینکنگ میں 2 پوزیشنز کا اضافہ کر کے نمبر 45 حاصل کیا جو ان کے کیریئر کی بہترین رینکنگ ہے۔ اشاب نے سابق عالمی چیمپیئن کریم جواد کے ساتھ 5 گیمز کے مقابلے میں سخت مقابلہ کیا۔
متعدد دیگر پاکستانی کھلاڑیوں نے بھی کراچی اوپن میں اچھی کارکردگی کا مظاہرہ کیا۔
نصیر اقبال نے رینکنگ میں 35 پوزیشنز کا اضافہ کر کے 99ویں نمبر حاصل کیا جبکہ ان کی پچھلی بہترین رینکنگ 35 تھی۔
مزید پڑھیں: پاکستان کی اسکواش میں واپسی جاری، اسکاٹ لینڈ میں انڈر-15 اور 13 چیمپیئن شپ ٹائٹل بھی ہاتھ آگئے
طیب اسلم نے 50 پوائنٹس بڑھا کر 149واں نمبر حاصل کیا حالانکہ ان کی اعلیٰ ترین رینکنگ 41 تھی۔
خواتین کھلاڑیوں میں ثنا بہادر اور مریم ملک نے بھی کیریئر کی بہترین رینکنگ حاصل کی۔
ثنا، جو بولنے اور سننے سے قاصر ہیں، نے ٹاپ 200 میں جگہ بنائی اور 197ویں نمبر پر آ گئیں جبکہ ان کی پچھلی رینکنگ 212 تھی۔
مریم ملک نے 214 واں نمبر حاصل کیا جو ان کی پچھلی رینکنگ 248 سے بہت بہتر ہے۔
ثنا اور مریم دونوں کو پہلے راؤنڈ میں ہار کا سامنا کرنا پڑا لیکن ان کی رینکنگ میں بہتری پاکستانی خواتین کھلاڑیوں کے لیے حوصلہ افزا ثابت ہوئی۔
یہ بھی پڑھیے: ڈینش جونیئر اوپن اسکواش چیمپیئن شپ، پاکستان کی 3 بہنوں نے تاریخ رقم کر دی
کراچی اوپن میں شاندار کارکردگی کے بعد پاکستان کے تمام 6 کھلاڑیوں کی رینکنگ میں بہتری دیکھنے کو ملی جس سے ملک کے اسکواش کھیل کی عالمی شناخت مضبوط ہوئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکواش پاکستان کے اسکواش کھلاڑی کراچی اوپن اسکواش نور زمان نور زمان کی عالمی رینکنگ.
ذریعہ
ذریعہ: WE News
کلیدی لفظ: اسکواش پاکستان کے اسکواش کھلاڑی کراچی اوپن اسکواش نور زمان کی عالمی رینکنگ پاکستانی کھلاڑی بہترین رینکنگ کی رینکنگ میں ان کی پچھلی کراچی اوپن حاصل کیا حاصل کی
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا