گزشتہ سال گلگت بلتستان میں 40 خوکشی کے واقعات رپورٹ ہوئے
اشاعت کی تاریخ: 12th, January 2026 GMT
پولیس ریکارڈ کے مطابق ضلع غذر میں سب سے زیادہ کیس رپورٹ ہوئے جہاں 23 افراد نے اپنی جان لے لی۔ گلگت میں 9، سکردو اور شگر میں تین تین، ہنزہ میں 2 خودکشی کے کیسز رپورٹ ہوئے۔ اسلام ٹائمز۔ گزشتہ سال یعنی 2025ء کے دوران گلگت بلتستان میں خودکشی کے 40 واقعات پیش آئے جو کہ انتہائی تشویشناک ہے۔ پولیس ریکارڈ کے مطابق گزشتہ سال جی بی بھر سے 23 مردوں اور 17 خواتین نے خودکشی کی۔ رپورٹ کے مطابق ضلع غذر میں سب سے زیادہ کیس رپورٹ ہوئے جہاں 23 افراد نے اپنی جان لے لی۔ گلگت میں 9، سکردو اور شگر میں تین تین، ہنزہ میں 2 خودکشی کے کیسز رپورٹ ہوئے۔ واضح رہے کہ گلگت بلتستان کے ضلع غذر میں گزشتہ ایک دہائی کے دوران خودکشی کے تشویشناک واقعات رپورٹ ہوئے ہیں۔ ایک اندازے کے مطابق ضلع میں خودکشی کے واقعات پاکستان بھر میں سب سے زیادہ بتائے جاتے ہیں۔ دوسری جانب گزشتہ سال جی بی میں غیرت کے نام پر 13 افراد کو قتل کیا گیا۔ ضلع دیامر میں سب سے زیادہ واقعات رپورٹ ہوئے جہاں غیرت کے نام پر 10 افراد کو قتل کیا گیا جن میں 7 خواتین اور 3 مرد شامل ہیں۔ گلگت میں 2 مردوں اور ایک خاتون کو قتل کرنے کا کیس رپورٹ ہوا۔
.
ذریعہ
ذریعہ: Islam Times
کلیدی لفظ: میں سب سے زیادہ رپورٹ ہوئے خودکشی کے گزشتہ سال کے مطابق
پڑھیں:
مصنوعی مٹھاس دماغی صحت کے لیے خطرہ؟ نئی تحقیق میں یادداشت متاثر ہونے کا اشارہ
ایک نئی سائنسی تحقیق میں یہ انکشاف سامنے آیا ہے کہ مصنوعی مٹھاس کا زیادہ استعمال یادداشت اور ذہنی صلاحیتوں میں تیزی سے آنے والی کمی سے تعلق رکھ سکتا ہے۔ ماہرین کا کہنا ہے کہ اگرچہ یہ اجزا چینی کے متبادل کے طور پر استعمال کیے جاتے ہیں، تاہم ان کے طویل المدتی اثرات دماغی صحت کے لیے تشویش کا باعث بن سکتے ہیں۔
یہ تحقیق امریکن اکیڈمی آف نیورولوجی کے جریدے نیورولوجی میں شائع ہوئی، جس میں تقریباً 13 ہزار بالغ افراد کی آٹھ برس تک نگرانی کی گئی۔ تحقیق کے دوران کم یا بغیر کیلوریز والی مٹھاس کے سات عام اجزا کا جائزہ لیا گیا، جن میں ایسپارٹیم، سیکرین، ایسی سلفیم کے، اریتھریٹول، زائیلیٹول، سوربیٹول اور ٹیگاٹوز شامل تھے۔
تحقیقی نتائج کے مطابق وہ افراد جو روزانہ اوسطاً 191 ملی گرام مصنوعی مٹھاس استعمال کرتے تھے، جو تقریباً ایک کین ڈائٹ سوڈا میں موجود ایسپارٹیم کے برابر مقدار ہے، ان میں کم استعمال کرنے والوں کے مقابلے میں یادداشت اور ذہنی کارکردگی میں کمی کی رفتار 62 فیصد زیادہ دیکھی گئی۔
اسی طرح درمیانی مقدار میں مصنوعی مٹھاس استعمال کرنے والے افراد میں بھی ذہنی صلاحیتوں میں کمی کا خطرہ نمایاں رہا، جہاں یہ شرح کم استعمال کرنے والوں کے مقابلے میں 35 فیصد زیادہ ریکارڈ کی گئی۔
محققین کے مطابق یہ تعلق 60 سال سے کم عمر افراد اور ذیابیطس کے مریضوں میں زیادہ نمایاں دیکھا گیا، کیونکہ یہ افراد عام چینی کے بجائے مصنوعی مٹھاس کا زیادہ استعمال کرتے ہیں۔
تحقیق میں شامل سات میٹھے اجزا میں سے صرف ٹیگاٹوز ایسا جز تھا جس کا ذہنی صلاحیتوں میں تیز رفتار کمی سے واضح تعلق سامنے نہیں آیا، جبکہ باقی چھ اجزا اس خطرے سے منسلک پائے گئے۔
تحقیق کی مرکزی مصنفہ، یونیورسٹی آف ساؤ پالو سے وابستہ ڈاکٹر کلاڈیا کیمی سوئیموتو نے کہا کہ مصنوعی مٹھاس کو عموماً صحت مند متبادل سمجھا جاتا ہے، لیکن تحقیق کے نتائج اس بات کی نشاندہی کرتے ہیں کہ بعض مصنوعی میٹھے اجزا طویل عرصے تک استعمال کیے جانے کی صورت میں دماغی صحت پر منفی اثرات مرتب کر سکتے ہیں۔
یہ مصنوعی مٹھاس عام طور پر ڈائٹ سوڈا، فلیورڈ واٹر، انرجی ڈرنکس، دہی اور دیگر کم کیلوریز والی پراسیسڈ غذاؤں میں استعمال کی جاتی ہے۔
تاہم محققین نے اس بات پر بھی زور دیا کہ یہ ایک مشاہداتی تحقیق ہے، اس لیے اس سے یہ حتمی نتیجہ اخذ نہیں کیا جا سکتا کہ مصنوعی مٹھاس ہی براہِ راست یادداشت میں کمی کی وجہ بنتی ہے۔ ان کے مطابق ان نتائج کی مزید تصدیق اور مختلف متبادل میٹھے اجزا کے اثرات جانچنے کے لیے مزید سائنسی تحقیق کی ضرورت ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار