حیدرآباد ،ڈپٹی کمشنر کی زیر صدارت اجلاس،اسکولز منصوبوں کا جائزہ
اشاعت کی تاریخ: 13th, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) ڈویژنل کمشنر حیدر آباد فیاض حسین عباسی کی زیر صدارت کمشنر ہاؤس میں صوبائی اے ڈی پی اسکیم سندھ میں پبلک اسکولوں کا قیام (05 یونٹس) کے تحت جاری منصوبوں کا جائزہ لینے کے لیے ایک اہم اجلاس منعقد ہوا۔ اجلاس میں ڈپٹی کمشنر مٹیاری محمد یوسف شیخ، اسسٹنٹ کمشنر ٹنڈو محمد خان، اسسٹنٹ کمشنر ٹنڈوالٰہیار، سپرنٹنڈنگ انجینئرز ایجوکیشن ورکس سرکل I اور II حیدرآباد اور دیگر متعلقہ افسران نے شرکت کی اور اپنے اپنے اضلاع میں قائم پبلک اسکولز کے ڈہانچے و مالی پیش رفت پر تفصیلی بریفنگ دی۔اجلاس میں مٹیاری، ٹنڈومحمد خان، اور ٹنڈوالہیار میں قائم پبلک اسکولوں کے تکمیل میں سست روی کا جائزہ لیا گیا۔ڈویژنل کمشنر حیدرآباد فیاض حسین عباسی نے اسکیموں میں غیر معمولی تاخیر پر تشویش کا اظہار کرتے ہوئے سوال اٹھایا کہ پبلک اسکولز جیسی فلیگ شپ تعلیمی اسکیمیں کیوں تعطل کا شکار ہیں۔ متعلقہ افسران نے بریفنگ دیتے ہوئے بتایا کہ ٹنڈو محمد خان پبلک اسکول میں اکیڈمک بلاک کی تعمیر مکمل ہوچکاہے، تاہم محکمانہ انکوائری اور ہینڈ اوور کے فیصلے نہ ہونے کے باعث عمارت تاحال استعمال میں نہیں آسکی ہے، جس کے نتیجے میں بلاک ٹوٹ پھوٹ کا شکار ہو رہا ہے۔ مزید بتایا گیا کہ 2018ء سے باؤنڈری وال اور دیگر بلاکس کی حالت جوں کی توں ہے اور انکوائری مکمل ہونے تک ریٹیفیکیشن ممکن نہیں۔کمشنر حیدرآباد فیاض حسین نے ہدایت کی کہ مٹیاری اور ٹنڈوالٰہیار کے پبلک اسکولز کو ترجیحی بنیادوں پر فعال کیا جائے گا جبکہ ٹنڈو محمد خان کے کیس میں جاری ڈپارٹمنٹل انکوائری کے جلد فیصلے کے بعد فنڈز کی فراہمی یقینی بنائی جائے گی۔ انہوں نے زور دیا کہ جو انفرااسٹرکچر موجود ہے اسے فوری طور پر فعال کیا جائے تاکہ مزید نقصان سے بچایا جا سکے اور فنانس ڈپارٹمنٹ کو انکوائری کی تکمیل کے بعد فوری طور پر فنڈز کے لیے تحریری طور پر رجوع کیا جائے۔
قاضی احمد ،سڑک حادثہ4افراد زخمی
قاضی احمد( نمائندہ جسارت )قاضی احمد نواب شاہ روڈ پر واقع جوناموری اسٹاپ پرشدید دھند کے باعث جانوروں سے بھرے ٹرک اور تیزرفتار کار میں آمنے سامنے سے تصادم ہوگیا، تصادم کے نتیجے میں کار مکمل طورپرتباہ ہوگئی جبکہ ٹرک الٹ گیا نتیجے میں 4 افراد زخمی اور ایک جانور ہلاک ہوگیا۔ زخمیوں کو تحصیل ہیڈ کواٹر اسپتال قاضی احمد منتقل کر دیا گیاہے۔
ذریعہ
ذریعہ: Jasarat News
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار