جامشورو ، دادو پولیس کے خلاف شہریوں کی احتجاجی ریلی
اشاعت کی تاریخ: 13th, January 2026 GMT
data-id="863a0a8" data-element_type="widget" data-widget_type="theme-post-content.default">
260113-08-13
جام شورو(نمائندہ جسارت)جامشورو میں دادو پولیس کے خلاف شہریوں نے شہر کے شاہی بازار سے ایک بڑی احتجاجی ریلی نکالی۔ احتجاجی ر یلی کی قیادت رحیم جمالی،ممتاز جمالی،محمد حسن جمالی،شبیر جمالی،عبدالغفور جمالی، اعجاز جمالی، گورنر جمالی، سیاسی و سماجی رہنما، ایس ٹی پی رہنما ساغر عالمانی، جے یو آئی کے رہنما مولانا انور بلیدی، سماجی رہنما ذوالفقار مگسی، دکاندار رہنما اصغر ناریجو مرتضیٰ کررہے تھے۔ ریلی کے شر کاء نے قاتل دادو پو لیس اہلکاروں کے خلاف شدید نعرے بازی کرتے ہوئے شہر کا گشت کرنے کے بعد جامشورو ڈسٹرکٹ پریس کلب کے سا منے اوور ہیڈ برج پل کے نیچے دھرنا دیا۔ اِس موقع پر اْستاد رہنما حق نواز برہمانی،، پیپلز پارٹی شہید بھٹو کے رہنما سید اَسد شاہ اور دیگر نے کہا ہے کہ دادو پو لیس نے شہر کی بہترین سماجی شخصیت، غریب عوام کے حمایتی نادر جمالی کو جعلی مقابلے میں قتل کر دیا ہے۔ رہنماؤں کا کہنا تھایہ جھوٹ پر مبنی ہے کہ یہ پولیس مقابلہ تھا۔ جبکہ اس انکاؤنٹر میں چھوٹے،بڑے پولیس اَفسران سبھی ملوث ہیں۔ انہوں نے مطالبہ کیا کہ خلاف جوڈ یشل انکوا ئری کرائی جائے اور ان کے خلاف نادر جمالی کے قتل کا مقدمہ درج کیا جائے۔
ذریعہ
ذریعہ: Jasarat News
کلیدی لفظ: کے خلاف
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار