عمران سمیت تمام سیاسی اسیروں پر قائم مقدمات ختم کیے جائیں: بیرسٹر گوہر
اشاعت کی تاریخ: 13th, January 2026 GMT
اسلام آباد (اپنے سٹاف رپورٹر سے) تحریکِ انصاف کی پارلیمانی پارٹی کا اجلاس پیر کے روز پارلیمنٹ ہاؤس میں ہوا۔ صدارت بیرسٹر گوہر علی نے کی۔ اجلاس نے بانی سمیت تمام سیاسی اسیروں کے حق میں موقف اختیار کیا اور مطالبہ کیا کہ ان پر قائم مقدمات فوری ختم کیے جائیں۔ کیونکہ یہ اقدامات نہ صرف ان افراد کی ذاتی اور سیاسی آزادی کے منافی ہیں بلکہ جمہوری عمل اور شہری حقوق کی سنگین خلاف ورزی بھی ہیں۔ قرارداد میں یہ بھی مطالبہ کیا گیا کہ عمران کی اپنے خاندان کے افراد سے ملاقاتوں کو بحال کیا جائے۔ عمران خان کی سیاسی ملاقاتوں اور رابطوں کی اجازت دی جائے، پارلیمانی پارٹی نے تحریکِ تحفظِ آئین پاکستان کے قائدین کے دور لاہور کو کامیاب قرار دیا۔
.
ذریعہ
ذریعہ: Nawaiwaqt
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے