اپنے جائز حقوق اور مفادات کا تحفظ یقینی بنائیں گے، چین کا امریکا کی جانب سے ٹیرف کی دھمکی پر ردعمل
اشاعت کی تاریخ: 13th, January 2026 GMT
ایران کے ساتھ تجارت کرنے والے ممالک کو 25 فیصد اضافی ٹیرف کی دھمکی دینے کے بعد چین نے منگل کو کہا ہے کہ وہ اپنے جائز حقوق اور مفادات کا تحفظ یقینی بنائے گا۔
چین کی وزارت خارجہ کی ترجمان ماؤ نِنگ نے ایک روزانہ نیوز کانفرنس میں کہا، ‘ہم ہمیشہ یہ مانتے رہے ہیں کہ ٹریف جنگ میں کوئی جیت نہیں سکتا، اور چین اپنے جائز حقوق اور مفادات کے تحفظ کے لیے پختہ موقف اختیار کرے گا۔’
یہ بھی پڑھیے: ایران سے تجارت کرنے والے ممالک پر 25 فیصد ٹیرف عائد کریں گے، ڈونلڈ ٹرمپ
امریکی صدر ٹرمپ نے یہ اعلان ایسے وقت میں کیا ہے جب ایران میں عوامی مظاہروں پر حکومتی کریک ڈاؤن جاری ہے۔ انسانی حقوق کے ایک گروپ کے اندازے کے مطابق، حکومتی طاقت کے استعمال سے کم از کم 648 افراد ہلاک ہو چکے ہیں۔
چین کی وزارت خارجہ نے چینی شہریوں کے ایران میں سیاحتی دوروں کے بارے میں احتیاطی اقدامات پر بھی روشنی ڈالی۔ ماؤ نِنگ نے کہا کہ بیجنگ صورتحال کو بغور مانیٹر کر رہا ہے اور چینی شہریوں کی حفاظت کے لیے تمام ضروری اقدامات کرے گا۔
یہ بھی پڑھیے: مظاہروں کے دوران امریکا ایران کیخلاف فوجی اقدامات پر غور کررہا ہے، سی این این کا دعویٰ
یہ اعلان ایسے وقت میں آیا ہے جب ایران میں مظاہرے سماجی اور اقتصادی مشکلات، حکومتی بدعنوانی اور سیاسی عدم برداشت کے خلاف شدت اختیار کر چکے ہیں، اور امریکی ٹریف کا مقصد ایران کی معیشت پر دباؤ ڈالنا اور دیگر ممالک کو ایران سے تجارتی تعلقات میں حصہ لینے سے روکنا بتایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ٹیرف چین.
ذریعہ
ذریعہ: WE News
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار