SECP کی غیرقانونی آن لائن سرمایہ کاری پلیٹ فارمز کیخلاف وارننگ
اشاعت کی تاریخ: 13th, January 2026 GMT
اسلام آباد(نیوزڈیسک) سیکیورٹیز اینڈ ایکسچینج کمیشن آف پاکستان (ایس ای سی پی) نے عوام کو غیرقانونی آن لائن سرمایہ کاری پلیٹ فارمز سے ہوشیار رہنے کی سخت ہدایت جاری کر دی ہے۔
ایس ای سی پی کے مطابق ہِل ہاؤس کیپیٹل، ہِل ہاؤس انویسٹمنٹ اور ایس 169 وارٹن کو غیرمجاز قرار دیدیا۔ کمیشن کا کہنا ہے کہ یہ غیرقانونی پلیٹ فارمز جھوٹے اور غیرمعمولی منافع کے دلکش وعدوں کے ذریعے عوام کو گمراہ کر رہے ہیں۔
ایس ای سی پی نے واضح کیا ہے کہ مذکورہ غیرقانونی سرمایہ کاری پلیٹ فارمز کے خلاف قانون نافذ کرنے والے اداروں کو باقاعدہ طور پر رپورٹ کر دیا گیا ہے تاکہ قانونی کارروائی عمل میں لائی جا سکے۔
کمیشن نے عوام کو ہدایت کی ہے کہ وہ سرمایہ کاری صرف ایس ای سی پی سے لائسنس یافتہ بروکرز اور منظور شدہ پلیٹ فارمز کے ذریعے ہی کریں اور کسی بھی جعلی یا غیرقانونی سرمایہ کاری اسکیم میں رقم جمع کروانے سے گریز کریں۔
.
ذریعہ
ذریعہ: Daily Mumtaz
کلیدی لفظ: ایس ای سی پی سرمایہ کاری پلیٹ فارمز
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار