گرین لینڈ تنازع: ٹرمپ کے ارادوں پر ان کی آنکھوں میں آنکھیں ڈال کر بات کرنا چاہتے ہیں، ڈنمارک
اشاعت کی تاریخ: 13th, January 2026 GMT
ڈنمارک کا کہنا ہے کہ صدر ڈونلڈ ٹرمپ اس سے براہ راست میٹنگ کریں تاکہ ان کی آنکھوں میں آنکھیں ڈال کر گرین لینڈ پر کنٹرول کی ان کی خواہش پر بات کی جائے۔
یہ بھی پڑھیں: امریکی قبضہ کسی صورت برداشت نہیں کریں گے، گرین لینڈ کا دوٹوک مؤقف
غیر ملکی میڈیا کے مطابق ڈنمارک اور اس کے خودمختار جزیرے گرین لینڈ نے امریکا کے ساتھ براہ راست مذاکرات کا مطالبہ کیا ہے تاکہ امریکی صدر ڈونلڈ ٹرمپ کے گرین لینڈ کو کنٹرول میں لینے کے مبینہ عزائم کے باعث پیدا شدہ کشیدگی پر بات کی جا سکے۔
ڈنمارک کے وزیر خارجہ لارس لوکے راسموسن نے کہا ہے کہ وہ اس تنازعے کو آنکھوں میں آنکھیں ڈال کر مذاکرات کے ذریعے حل کرنا چاہتے ہیں تاکہ دونوں ممالک اپنے تحفظات کا براہ راست اظہار کر سکیں۔
وزیر خارجہ لارس لوکے راسموسن اور گرین لینڈ کی ہم منصب ویویان موٹزفیلڈٹ نے امریکی وزیر خارجہ مارکو روبیو کے ساتھ ملاقات کی درخواست کی ہے جس میں امریکا کے نائب صدر جے ڈی وینس بھی شریک ہوں گے۔ یہ ملاقات 14 جنوری کو واشنگٹن میں وائٹ ہاؤس میں ہونے والی ہے۔
مزید پڑھیے: گرین لینڈ کے مستقبل کے حوالے سے ڈنمارک فیصلہ کن مرحلے سے گزر رہا ہے، ڈینش وزیراعظم فریڈرکسن
یہ کشیدگی اس وقت بڑھ گئی تھی جب صدر ٹرمپ نے دوبارہ زور دیا کہ امریکا گرین لینڈ کو کسی نہ کسی طرح اپنے کنٹرول میں لے گا حتیٰ کہ بعض اوقات اس بیان میں فوجی آپشن کا بھی تذکرہ شامل رہا ہے۔
گرین لینڈ کے حکام اور ڈنمارک نے صاف طور پر کہا ہے کہ وہ کسی امریکی قبضے یا ملکیت کو کسی بھی صورت قبول نہیں کریں گے اور جزیرے کی خود ارادیت اور قومی خودمختاری کے حق میں ہیں۔
یورپی اتحادیوں نے بھی ڈنمارک اور گرین لینڈ کے مؤقف کی حمایت کرتے ہوئے کہا ہے کہ گرین لینڈ کی سیکیورٹی اور دفاع نیٹو کے ذریعے ہی ہونا چاہیے نہ کہ کسی ایک ملک کی ایک طرفہ کوششوں سے۔
مزید پڑھیں: ’ٹرمپ نے گرین لینڈ پر ممکنہ فوجی حملے کی منصوبہ بندی کا حکم دے دیا؟‘
یہ پیشرفت عالمی جغرافیائی سیاسی صورتحال میں اہمیت رکھتی ہے کیونکہ گرین لینڈ آرکٹک خطے میں مقام، معدنی وسائل اور سیکیورٹی کے نقطۂ نظر سے حساس حیثیت رکھتی ہے اور مختلف عالمی طاقتوں کی دلچسپی کا مرکز بنی ہوئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ڈنمارک ڈنمارک کا امریکا سے مطالبہ گرین لینڈ.
ذریعہ
ذریعہ: WE News
کلیدی لفظ: امریکا ڈنمارک کا امریکا سے مطالبہ گرین لینڈ گرین لینڈ
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا