ٹی ٹی پی دہشتگرد جماعت، اس معاملے پر اداروں کے مؤقف کے ساتھ ہیں، بیرسٹر گوہر
اشاعت کی تاریخ: 13th, January 2026 GMT
پاکستان تحریک انصاف (پی ٹی آئی) کے چیئرمین بیرسٹر گوہر نے واضح کیا ہے کہ تحریک طالبان پاکستان (ٹی ٹی پی) ایک دہشتگرد جماعت ہے اور اس مسئلے پر سیاست نہیں ہونی چاہیے۔
میڈیا سے گفتگو کرتے ہوئے بیرسٹر گوہر نے کہاکہ 9 مئی کے کسی کیس میں سہیل آفریدی نامزد نہیں ہیں اور فارنزک رپورٹ میں سامنے آنے والی ویڈیو کے حوالے سے واضح نہیں کہ یہ کس جگہ کی ہے۔
مزید پڑھیں: پاکستان میں دہشتگردی کے 70 فیصد سے زائد واقعات میں افغان ملوث، سہیل آفریدی تاحال لاعلم
انہوں نے زور دیتے ہوئے کہاکہ دہشتگردی کے خلاف قومی ایکشن پلان پر بھرپور عمل ہونا چاہیے اور دہشتگردوں کے حوالے سے کسی کے دل میں نرم گوشہ نہیں ہونا چاہیے۔
پی ٹی آئی چیئرمین نے کہاکہ سہیل آفریدی کے کراچی دورے کے آخری دن سندھ حکومت کا رویہ بدل گیا اور حیدرآباد سے واپسی پر ان کا راستہ روکا گیا۔
بیرسٹر گوہر نے واضح کیاکہ دورے سے قبل سندھ حکومت کے رویے پر انہوں نے شکریہ بھی ادا کیا تھا، اور دورے کے دوران عوام نے سہیل آفریدی کا بھرپور استقبال کیا۔
انہوں نے مزید کہاکہ پارلیمانی پارٹی کے اجلاس میں زیادہ تر بات چیت اپوزیشن لیڈر کی تعیناتی پر ہوئی، جس کی نشست اگست سے خالی تھی۔
بیرسٹر گوہر کے مطابق ساری اپوزیشن کی جانب سے محمود خان اچکزئی ایک ہی امیدوار ہیں اور امید ہے کہ جمعرات تک نوٹیفکیشن جاری ہوگا، جو اعتماد سازی میں مددگار ثابت ہوگا۔
چیئرمین پی ٹی آئی نے کہاکہ ہر وہ جماعت جسے حکومت اور ادارے دہشتگرد سمجھتے ہیں، پی ٹی آئی بھی انہیں دہشتگرد ہی تسلیم کرتی ہے اور پاکستان کے مفاد کے خلاف سرگرم تنظیمیں اس زمرے میں آتی ہیں۔
انہوں نے مذاکرات اور سیاسی مسائل کے سیاسی حل کی ضرورت پر بھی زور دیا تاکہ حالات نارمل رہیں۔
مزید پڑھیں: شفیع جان کا ٹی ٹی پی کو دہشتگرد تنظیم قرار دینے سے گریز، سلمان اکرم راجا نے مؤقف رد کردیا
بیرسٹر گوہر نے کہا کہ پارٹی میں اختلافی آرا کو برداشت کرنا چاہیے اور انہوں نے کبھی بانی پی ٹی آئی عمران خان یا بشریٰ بی بی کے حوالے سے عوام میں کوئی بات نہیں کی۔
بیرسٹر گوہر نے مزید وضاحت کی کہ پارٹی کا قلم دوات ان کے پاس ہے، لیکن اصل اختیار بانی پی ٹی آئی عمران خان کے پاس ہے اور اگر بانی چاہیں تو وہ چیئرمین کا عہدہ چھوڑ کر گھر چلے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان تحریک انصاف پی ٹی آئی ٹی ٹی پی دہشتگرد جماعت کالعدم تحریک طالبان وی نیوز.
ذریعہ
ذریعہ: WE News
کلیدی لفظ: پاکستان تحریک انصاف پی ٹی ا ئی ٹی ٹی پی دہشتگرد جماعت کالعدم تحریک طالبان وی نیوز بیرسٹر گوہر نے پی ٹی ا ئی انہوں نے ٹی ٹی پی
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
وزارت آئی ٹی نے 1.67 ارب روپے سے زاید کے فنڈز طلب کرلیے