وفاقی ٹیکس محتسب کا اوورسیز پاکستانیز کے لیے بڑا اقدام، شکایات کے فوری اور مؤثر ازالے کی ہدایت
اشاعت کی تاریخ: 13th, January 2026 GMT
وفاقی ٹیکس محتسب (ایف ٹی او) نے اوورسیز پاکستانیز کی شکایات فوری اور ترجیحی بنیادوں پر نمٹانے کی ہدایت جاری کر دی ہے۔ اس ضمن میں ایف ٹی او سیکرٹریٹ کو واضح احکامات دیے گئے ہیں کہ بیرونِ ملک مقیم پاکستانیوں کو درپیش ٹیکس اور متعلقہ مسائل کا شفاف اور تیز رفتاری سے ازالہ یقینی بنایا جائے۔
وفاقی ٹیکس محتسب نے رجسٹرار خالد جاوید کو اوورسیز پاکستانیز شکایات سیل کا انچارج مقرر کر دیا ہے، جو اوورسیز پاکستانیوں کی شکایات کی نگرانی اور فوری حل کے ذمہ دار ہوں گے۔ ایف ٹی او کے مطابق اس اقدام کا مقصد اوورسیز پاکستانیز کو بروقت ریلیف فراہم کرنا اور ان کا ادارے پر اعتماد مزید مضبوط بنانا ہے۔
وفاقی ٹیکس محتسب کا کہنا ہے کہ اوورسیز پاکستانیز پاکستان کا قیمتی سرمایہ اور ملکی معیشت کی ریڑھ کی ہڈی ہیں، جن کی خدمات اور ترسیلاتِ زر ملکی استحکام میں کلیدی کردار ادا کرتی ہیں۔ ان کے مسائل کا حل حکومت اور اداروں کی اولین ترجیح ہے۔
ایف ٹی او کے مطابق اوورسیز پاکستانیز اپنی شکایات ہیلپ لائن، واٹس ایپ، ایف ٹی او موبائل ایپ اور سرکاری ویب سائٹ کے ذریعے بھی درج کرا سکتے ہیں۔ ادارے نے یقین دہانی کرائی ہے کہ تمام شکایات کو شفاف، منصفانہ اور مقررہ وقت کے اندر نمٹایا جائے گا۔
اشتہار
ذریعہ
ذریعہ: Al Qamar Online
کلیدی لفظ: پاکستان کھیل اوورسیز پاکستانیز وفاقی ٹیکس محتسب ایف ٹی او
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے