مسلم لیگ کیساتھ اختلافات ختم، حکومتی اتحاد میں رہنا ملکی مفاد میں: پیپلز پارٹی
اشاعت کی تاریخ: 14th, January 2026 GMT
اسلام آباد (نمائندہ خصوصی + نوائے وقت رپورٹ) پاکستان پیپلز پارٹی کے چیئرمین بلاول بھٹو زرداری نے عوامی صحت کے نظام کو مضبوط بنانے میں ڈاکٹروں کے کلیدی کردار کو اجاگر کرتے ہوئے کہا ہے کہ صحت کے شعبے سے وابستہ پیشہ ور افراد کو ہیلتھ پالیسی، پبلک ہیلتھ اصلاحات اور طبی تعلیم کی تشکیل میں مؤثر آواز حاصل ہونی چاہیے۔ شعبہ طب میں ٹیکنالوجی کا استعمال ضروری ہے۔ انہوں نے زور دیا کہ وہ معاشرہ جو اپنے ڈاکٹروں، نرسوں اور طبی عملے کو عزت اور تحفظ فراہم نہیں کرتا، اسے مہذب نہیں کہا جا سکتا۔ ، پی پی پی چیئرمین نے جناح سندھ میڈیکل یونیورسٹی کے کانووکیشن سے خطاب کرتے ہوئے کہا کہ یہ موقع نہ صرف گریجویٹس کی ذاتی زندگی کا ایک اہم سنگِ میل ہے بلکہ قوم کے لیے بھی ایک فیصلہ کن لمحہ ہے، کیونکہ نوجوان ڈاکٹر ایک ایسے دور میں عملی زندگی میں قدم رکھ رہے ہیں جہاں صحت کے شعبے کو غیر معمولی چیلنجز کا سامنا ہے۔ فارغ التحصیل ہونے والے ڈاکٹرز نے اپنی تعلیم ایسے زمانے میں مکمل کی ہے جو عالمی وباؤں، موسمیاتی ہنگامی صورتحال، ذہنی صحت کے بحران اور صحت کی سہولیات میں بڑھتی ہوئی ناہمواری سے متاثر رہا ہے۔ کہ آپ کے سفید کوٹ کسی امتیاز کی علامت نہیں بلکہ ایک عہد ہیں۔ انہوں نے زور دیا کہ طبی عملے کو محض شکریہ نہیں بلکہ وقار، تحفظ اور اپنے فرائض محفوظ طریقے سے انجام دینے کے لیے مناسب وسائل بھی فراہم کیے جانے چاہئیں۔ انہوں نے کہا کہ پاکستان کو آج بھی صحت کے سنگین مسائل کا سامنا ہے۔ اس موقع پر وزیراعلیٰ سندھ سید مراد علی شاہ، صوبائی وزیر برائے جامعات و بورڈز محمد اسماعیل راہو، یونیورسٹی کے افسران اور دیگر عمائدین بھی موجود تھے۔ وزیراعلیٰ سندھ مراد علی شاہ نے تقریب سے خطاب میں کہا کہ سندھ میں ہسپتالوں کی تعداد میں اضافہ کر رہے ہیں۔ علاوہ ازیں پیپلز پارٹی کی پارلیمانی پارٹی کے اجلاس میں آرڈیننس معاملے پر پارٹی مؤقف پر مشاورت کی گئی۔ بلاول بھٹو نے ارکان کو قائمہ کمیٹیوں میں آرڈیننس سے متعلق قانون سازی ہو گی۔ اس پر فوکس کریں پی پی رہنما راجہ پرویز اشرف نے تصدیق کی کہ پی پی اور مسلم لیگ ن کے اختلافات ختم ہو گئے۔ حکومتی اتحاد میں رہنا ملکی مفاد میں ہے۔ آرڈیننس معاملے پر ہم نے واک آؤٹ کیا۔ حکومت کا نوٹس لینا اچھی بات ہے۔ حکمران اتحاد میں مکمل یکجہتی کی فضاء ہے سب کو ملکی مفاد میں فیصلے کرنے چاہئیں۔ پارلیمانی پارٹی یکسوئی کے ساتھ سسٹم کے ساتھ کھڑی ہے۔ حکومت کے اتحادی ہیں۔ اتحادی رہیں گے۔ پی ٹی آئی سمیت تمام جماعتیں ملکی مفاد میں فیصلے کریں۔
.
ذریعہ
ذریعہ: Nawaiwaqt
کلیدی لفظ: ملکی مفاد میں صحت کے
پڑھیں:
گلگت بلتستان کو بھی آئینی وبنیادی حقوق ملنے چاہئیں ، سعد رفیق
سکردو(اُردو پوائنٹ اخبارتازہ ترین - آن لائن۔ 02 جون2026ء) پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے کہا ہے کہ گلگت بلتستان کے عوام کی ترقی مسلم لیگ (ن) کی اولین ترجیح ہے اور انہیں ملک کے دیگر صوبوں کی طرح مکمل آئینی اور بنیادی حقوق ملنے چاہئیں۔(جاری ہے)
جی بی ای-8 سکردو-2 میں انتخابی مہم کے سلسلے میں مسلم لیگ (ن) کے نامزد امیدوار حاجی اکبر تابان کی رہائش گاہ پر پارٹی کارکنوں سے خطاب کرتے ہوئے خواجہ سعد رفیق کا کہنا تھا کہ مسلم لیگ (ن) اقتدار میں آ کر عوام کی محرومیاں ختم کرے گی اور گلگت بلتستان کے حقوق کیلئے پارلیمنٹ میں مؤثر آواز اٹھائے گی۔
انہوں نے کہا کہ پسماندہ علاقوں کی ترقی پر خصوصی توجہ دی جائے گی اور خطے میں بجلی کے نئے منصوبے متعارف کرائے جائیں گے۔ان کا کہنا تھا کہ گلگت بلتستان کی ترقی اور خوشحالی کیلئے سب کو مل کر کام کرنا ہوگا، پاکستان کے قیام کا جو مقصد تھا، اسے پورا کرنا ہماری مشترکہ ذمہ داری ہے، پاکستان مسلم دنیا کی واحد ایٹمی قوت ہے اور بھارت کے فالس فلیگ آپریشنز کو ہمیشہ ناکامی کا سامنا کرنا پڑا ہے۔خواجہ سعد رفیق نے مزید کہا کہ مسلم لیگ (ن) کی سیاست الزام تراشی نہیں بلکہ دلیل، خدمت اور عوامی ترقی کی سیاست ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے